No Image
No Image

Küləkli havada nələri etmək olmaz? - Bakıda TƏHLÜKƏ

Küləkli havada nələri etmək olmaz? - Bakıda TƏHLÜKƏ
Xəbər verdiyimiz kimi bugün Bakıda və Abşeron yarımadasında şimal-qərb küləyinin sürətinin saniyədə 15-20 m/s, arabir 23-28 m/s, yarımadanın bəzi yerlərində isə arabir 30 m/s-dək güclənəcəyi gözlənilir. 
 
Küləkli havalarda tikinti işlərinin getdiyi ərazilərdə təhlükəsizlik tədbirlərinin hələ də görülmədiyinin şahidi oluruq. Təkcə sakinlər üçün deyil, həmçinin fəhlələr üçün də bu qaydalar gözlənilmir. Küləkli havaya rəğmən, tikinti işləri davam etdirilir.

Təhlükəsizlik üzrə ekspert Elmar Nurəliyev Sfera.az-a açıqlamasında deyib ki, havanın küləkli olması ilə əlaqədar olaraq, təhlükə riskli sahələrdə işlərin yerinə yetirilməsi zamanı təhlükəsizlik qaydalarına daha ciddi riayət etmək lazımdır:

"Küləkli havanın təsirindən uçqun, aşma, dağılma ilə nəticələnə biləcək işlərin görülməsi həm orada çalışan işçilərin, həm də ətrafda olan insanlara və əmlaka zərər yetirə biləcəyini nəzərə alaraq təhlükəsizlik qaydalarını önə çəkir. Belə obyektlərdən biri də tikinti sahəsidir ki, küləkli havada orada çalışan işçilər hündürlükdə işlərin görülməsi zamanı həyatları üçün hər hansı təhlükə olmasın. Həm də tikinti sahəsində olan kimyəvi tərkibli mal-materiallar, dəmir konstruksiyalar, taxta və daş-kəsək parçalarını külək ətrafa dağıtmasın, insanların sağlamlığına, əmlakına zərər dəyməsin”.

Ekspertin sözlərinə görə, küləyin sürəti 15 m/s olanda açıq havada işçilərin çalışdırılması yolverilməzdir:

"Hündürlükdə görülən işlər dayandırıla və işçilər təhlükəsiz yerdə digər işlərin görülməsinə cəlb oluna bilərlər. Daha sonra işçilər fərdi mühafizə vasitələri ilə təchiz edilməlidir. Başında dəbilqə, xüsusi geyim  forması , iş ayaq geyimi, hündürlükdə görəcəyi işlə bağlı təhlükəsizlik kəməri,eynək,əlcək ilə təmin olunmalıdır. Küləkli havada tez alışan, yanma riski yüksək olan materialların saxlanılması və daşınması zamanı da diqqətli olmaq lazımdır. Küləkli havada yanğın olarsa, daha geniş miqyasda yayıla bilər”.

Qeyd edək ki, Ekologiya və Təbii Sərvətlər Nazirliyinin məlumatına görə, Bakıda və Abşeron yarımadasında əsən güclü külək axşam mülayimləşəcək.

Günay Rəsulqızı
Sfera.az

Turan Bank

OXŞAR XƏBƏRLƏR

Əli Əsədov dövlət qulluqçuları ilə bağlı QƏRAR İMZALADI

Nazirlər Kabineti "Dövlət qulluqçusunun xidməti fəaliyyətinin qiymətləndirilməsi Qaydası”nı təsdiq edib. Sfera.az xəbər verir ki, bununla bağlı Baş nazir ...

Bu təsdiqini taparsa, Azərbaycanda koronavirus daha sürətlə YAYILACAQ

Xəbər verdiyimiz kimi, COVID-19 xəstəliyinin ev heyvanları (it və pişik) arasında yayılmasının araşdırılması istiqamətində Azərbaycan Qida Təhlükəsizliyi İnst...

Qarabağa qanunsuz səfər edən vətəndaşları hansı cəza gözləyir? - "300 manat cərimə, həbs..."

Böyük Vətən müharibəsinin yekunlaşdığı gündən bu yana tez-tez işğaldan azad olunan ərazilərə vətəndaşlarımızın qanunsuz səfər etməsi ilə bağlı xəbərlər yayılır....

Küləkli havada nələri etmək olmaz? - Bakıda TƏHLÜKƏ

Xəbər verdiyimiz kimi bugün Bakıda və Abşeron yarımadasında şimal-qərb küləyinin sürətinin saniyədə 15-20 m/s, arabir 23-28 m/s, yarımadanın bəzi yerlərində isə...

Bağçalar bu tarixdən işləyəcək - RƏSMİ

Sabahdan Bakı, Sumqayıt, Gəncə, Şəki şəhərləri və Abşeron rayonunda yerləşən dövlət və özəl məktəbəqədər təhsil müəssisələri (bağçalar) ənənəvi qaydada fəaliyyə...

Uşaq bağçaları BAĞLANDI

Bu gün Bakı, Sumqayıt, Gəncə, Şəki şəhərləri və Abşeron rayonunda yerləşən dövlət məktəbəqədər təhsil müəssisələri fəaliyyətini dayandırıb. Sfera.az xəbər...