Küləkli hava nə vaxtadək davam edəcək? - HAVA PROQNOZU

Küləkli hava nə vaxtadək davam edəcək? - HAVA PROQNOZU
Bu gün Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir.

Milli Hidrometeorologiya Xidmətindən Sfera.az-a verilən məlumata görə, arabir güclənən cənub-qərb küləyi axşam mülayim şimal-qərb küləyi ilə əvəz olunacaq. Havanın temperaturu gecə 0°-yə yaxın, bəzi yerlərdə 2°-dək şaxta, gündüz 5-8° isti olacaq. Bakıda gecə 0°-yə yaxın gündüz 5-8° isti olacaq. Atmosfer təzyiqi normadan aşağı 748 mm civə sütunundan 753 mm civə sütununa yüksələcək. Nisbi rütubət 60-70 % olacaq.

Azərbaycanın rayonlarında hava əsasən yağmursuz keçəcək. Lakin axşam yağıntılı olacağı, bəzi yerlərdə qar yağacağı gözlənilir. Gecə və səhər saatlarında duman olacaq. Qərb küləyi ayrı-ayrı yerlərdə arabir güclənəcək.

Havanın temperaturu gecə 0-5° şaxta, gündüz 7-10° isti, dağlarda gecə 5-10° şaxta, gündüz 0-5° şaxta, yüksək dağlıq ərazilərdə gecə 15-20° şaxta, gündüz 3-8° şaxta olacaq.

Xidmətdən əhaliyə edilən xəbərdarlıqda bildirilir ki, Bakıda və Abşeron yarımadasında yanvarın 15-i gün ərzində yağıntıda gözlənilən fasilədən sonra 15-dən 16-na keçən gecə az yağıntılı, 16-sı axşamdan 17-si axşamadək isə yağıntılı olacağı, sulu qara keçəcəyi ehtimalı var.

Fasilələrlə müşahidə olunan küləkli hava şəraiti yanvarın 20-dək davam edəcək. Güclü cənub-qərb küləyi arabir güclənən şimal-qərb küləyi ilə əvəz olunacaq. Küləyin maksimal sürəti bəzi yerlərdə arabir 23-28 m/s-yə çatacaq.

Azərbaycanın rayonlarına gəlincə, yanvarın 14-ü axşam, 15-i gün ərzində gözlənilən fasilədən sonra 15-i axşamdan 16-sı gündüzədək bəzi yerlərdə, 16-sı axşamdan 17-si axşamadək isə əsasən cənub və şərq rayonlarında yağıntılı olacağı, sulu qar, qar yağacağı gözlənilir. Bəzi yerlərdə intensiv olacağı ehtimalı var.

Yaxın günlər ərzində fasilələrlə güclü cənub-qərb küləyinin arabir güclənən şimal-qərb küləyi ilə əvəz olunacağı gözlənilir. Küləyin maksimal sürəti arabir 23-28 m/s-yə çatacaq.

Küləkli hava şəraiti yanvarın 20-dək davam edəcək.

Şaxtalı hava şəraiti ilə əlaqədar yolların buz bağlayacağı ehtimalı var.
Sehliyali
Turan Bank

OXŞAR XƏBƏRLƏR

Sabah Bakıya qar yağacaq - PROQNOZ

Yanvarın 20-də gözlənilən hava şəraiti açıqlanıb. Milli Hidrometeorologiya Xidmətindən Sfera.az-a verilən məlumata görə, Bakıda və Abşeron yarımadasında h...

İradə Gülməmmədova icra başçısı vəzifəsindən azad edildi - SƏRƏNCAM

İradə Akif qızı Gülməmmədova Abşeron Rayon İcra Hakimiyyətinin başçısı vəzifəsindən azad edilib. Sfera.az  xəbər verir ki, bu barədə Prezident İlham ...

Dövlət qurumlarında işləyən daha bir qrup şəxsin maaşları artırıldı - QƏRAR

Heydər Əliyev Mərkəzinin işçilərinin aylıq vəzifə maaşları müəyyənləşib. Sfera.az xəbər verir ki, bununla bağlı Baş nazir Əli Əsədov qərar imzalayıb. ...

Baş nazir “Azərbaycan” Nəşriyyatı ilə bağlı QƏRAR İMZALADI

Nazirlər Kabineti "Vahid büdcə təsnifatının təsdiq edilməsi barədə” 11 oktyabr 2018-ci il tarixliq qərarında dəyişiklik edib. Sfera.az  xəbər verir k...

Yaxın günlərdə pensiya və maaş artımı ilə bağlı qərar veriləcək

"Mövcud qaydalara əsasən, pensiya kapitalı əvvəlki ildəki inflyasiya səviyyəsinə, əmək pensiyaları isə əvvəlki ildəki orta aylıq əməkhaqqındakı artım faizinə in...

Metroda gediş haqqı bahalaşır?

Metroda gediş haqqının bahalaşması ilə bağlı Tarif Şurasına müraciət edilməyib. Sfera.az  xəbər verir ki, bunu Trend-in sorğusuna cavab olaraq "Bakı ...