Jerar Depardyeni 5 il həbs cəzası gözləyir - Səbəb

Məşhur fransız aktyoru Jerar Depardye cinsi təcavüz işi üzrə martın 25-də Parisdə məhkəmə qarşısına çıxıb. 76 yaşlı Depardye 2021-ci ildə “Yaşıl dalğalar” filminin çəkilişi zamanı iki qadına hücum etməkdə günahlandırılır.

Sfera.az xəbər verir ki, günahı sübuta yetirilərsə, Jerar Depardyeni 5 il həbs cəzası gözləyir. 

Məşhur fransalı aktyor məhkəmədə bildirib ki, onun "qadınları ovlamaq" vərdişi yoxdur. Amma iki aktrisa onu zorakılıqda ittiham edir.

Jerar Depardye məhkəmədə "Mən başa düşmürəm ki, niyə gedib qadının ombasını, sinəsini ovuşdurmalıyam. Mən metroda başqalarına sürtünəcək adam deyiləm",- deyə bildirib. 

Qeyd edək ki, “Les Volets Verts” filmində rol alan tanınmış aktrisa Anouk Qrinberq iki iddiaçıya dəstək verib. O, Depardyenin çəkiliş zamanı dəfələrlə əxlaqsız ifadələr işlətdiyini iddia edib. 

Aktyor təqsirli bilinərsə, 5 ilə qədər həbs və 75 min avro cərimə olunacaq.

Aynil