Koronavirusdan vəfat edən Elnur Əşrəfoğlu kim idi? - DOSYE

Koronavirusdan vəfat edən Elnur Əşrəfoğlu kim idi? - DOSYE
Koronavirusa yoluxan tanınmış jurnalist və televiziya aparıcısı, Azərbaycan Cüdo Federasiyasının baş katibinin müavini Elnur Əşrəfoğlu bu gün vəfat edib.

Qeyd edək ki, E.Əşrəfoğlu sentyabrın əvvəllərində koronavirusa yoluxmuşdu. Əvvəlcə ev şəraitində müalicə alan jurnalist daha sonra "Yeni Klinika”ya köçürülmüş, süni tənəffüs aparatına qoşulmuşdu. Təəssüf ki, həmkarımızın müalicəsi nəticəsiz qaldı

Əslən Zəngilan rayonundan olan Elnur Əşrəfoğlu 19 iyun 1974-cü il tarixində anadan olub. Bakı Dövlət Universitetinin Beynəlxalq hüquq və beynəlxalq münasibətlər fakültəsini bitirib.

1992-ci ildə "525-ci qəzet"də jurnalist kimi əmək fəaliyyətinə başlayıb.

E.Əşrəfoğlu jurnalistikaya - "525"ə gəlişi barədə belə demişdi:

"Jurnalistikaya marağım çox idi. Səbuhi (jurnalist Səbuhi Məmmədli-red.) mənə "525-ci qəzet"də işləməyi təklif edəndə, düşünmədən qəbul etdim. Redaksiya "Azərbaycan" nəşriyyatı ilə üzbəüz binanın 1-ci mərtəbəsində - "Müxalifət" qəzetinin redaksiyasında yerləşirdi. 2 balaca otaq idi, qəzeti hazırlamaq üçün lazımi avadanlıqlar yox dərəcəsindəydi. Buna baxmayaraq, ilk gündən o balaca otaqlardakı atmosfer mənə xoş gəlmişdi. "525-ci qəzet" elə ilk sayından öz sözünü deməyi bacarmışdı. Qəzet nəyə görə populyar idi? Çünki kollektiv gənclərdən təşkil olunmuşdu, sərbəstlik var idi, qəzetin yaradıcısı Rəşad Məcid heç kimin işinə qarışmırdı. Bu, gənclərə rahat işləməyə, öz ideyalarını həyata keçirməyə imkan verirdi…

…Burada böyük bir məktəb keçdim. "525"də 1993-cü ilin payızına kimi işlədim. Qısa müddət "7 gün" və "Azərbaycan" qəzetləri ilə əməkdaşlıq etdikdən sonra 1993-cü ilin sonlarında Azərbaycan Televiziyasına işə düzəldim. 1994-cü ildə sonradan xeyli populyarlıq qazanan "Sport daycest" müəllif verilişimi hazırlamağa başladım. Burada "525"də öyrəndiklərim karıma gəldi".

E.Əşrəfoğlu ilk vaxtlar AzTV-nin "7 gün” proqramı üçün kiçik süjetlər hazırlayıb. Sonra "Səhər” proqramında idman şərhçisi kimi çalışıb.

1994-cü ildə AzTV-də müəllifi olduğu "Sport digest" əyləncəli idman televiziya verilişindən sonra məşhurluq qazanıb. Müxtəlif vaxtlarda AzTV-nin "Xəbərlər" Baş redaksiyasında böyük redaktor, "İdman proqramları” Baş redaksiyasında baş redaktor vəzifələrində çalışıb.

1995-ci ildə İsraildə müstəqil Azərbaycanın xarici ölkədən ilk futbol reportajını aparan şərhçi kimi televiziya tarixinə düşüb.

Vaxtilə Azərbaycan Televiziyasında efirə gedən "Zirvəyə doğru: Sidney-2000”, "Afina-2004”, "Pekin zəfərləri”, "Milli Olimpiya Komitəsi-10 il”, "Professor”, "9 nömrəli oyunçu”, "Böyük hokkey”,”Sehrbaz” və daha bir neçə sənədli filmin ərsəyə gəlməsində əməyi olub.

16 il AzTV-də işləyib. 

2000-ci ildə Azərbaycan Milli Olimpiya Komitəsinin üzvü, daha sonra "Neftçi" futbol klubunun Mətbuat və İctimaiyyətlə Əlaqələr Departamentinin rəhbəri vəzifəsində çalışıb.

2011-ci ilin oktyabr ayında "Space” TV-də İdman departamentinə rəhbər təyin olunub. 2015-ci ildə Azərbaycan Cüdo Federasiyasında baş katibin müavini təyin olunub.

Elnur Əşrəfoğlunun koronavirusa yoluxduqdan sonra vəziyyətinin ağırlaşmasına səbəb bir böyrəyinin 10 il əvvəl ağır xəstəliklə bağlı götürülməsi olub.  

Evli idi, 2 azyaşlı övladı qalıb./Modern.az

Allah rəhmət eləsin…
Sehliyali
Turan Bank

OXŞAR XƏBƏRLƏR

O gün gəlmişdi... - VİDEO

Türkiyənin TRT televiyası türk dünyasının şəhərləri silsiləsindən olan verilişinin bu həftəki buraxılışını Şuşaya həsr edib. Sfera.az xəbər verir ki, proq...

“BakuBus”la bağlı yeni qərarlar verildi

Bakı Nəqliyyat Agentliyinə (BNA) məxsus "BakuBus” MMC-nin Müşahidə Şurasının iclası keçirilib. Sfera.az BNA-ya istinadən xəbər verir ki, iqtisadiyyat nazi...

Heydər Əliyev Fondu ilə UNİSEF arasında memorandum

Heydər Əliyev Fondu ilə BMT-nin Uşaq Fondu (UNİSEF) arasında növbəti Anlaşma Memorandumu imzalanıb. Sfera.az xəbər verir ki, memorandum 2025-ci ilin sonun...

Şəhidlərin ailələrinə bu ödənişlər veriləcək - Nazir açıqladı

Noyabrın 30-da helikopter qəzasında həlak olan hərbçilərin ailələri sosial dəstək tədbirləri ilə əhatə olunacaq. Sfera.az xəbər verir ki, bunu əmək və əha...

Helikopter qəzasında həlak olan hərbçilərə ŞƏHİD statusu verildi

Noyabrın 30-da Dövlət Sərhəd Xidmətinin hərbi helikopterinin qəzaya uğraması nəticəsində həlak olan hərbçilərimizə şəhid statusu verilib. Sfera.az xəbər v...

Azərbaycanda vəzifəli şəxs işdən azad edildi - FOTO

Göyçay rayon Mərkəzi Xəstəxanasının direktoru işdən azad olunub. Sfera.az xəbər verir ki, Tibbi Ərazi Bölmələrini İdarəetmə Birliyinin (TƏBİB) Elçin Bilal...