No Image
No Image

Kimlər, niyə peyvənd olunmaq istəmirlər? - AÇIQLAMA

Kimlər, niyə peyvənd olunmaq istəmirlər? - AÇIQLAMA
Türkiyədə insanların vaksindən imtina etmə səbəbləri araşdırılıb. Aparılan sorğulara görə,  peyvənd olunmaq istəyənlər arasında ən çox pensiya yaşına çatanlar və dövlət qulluqçuları olub. Vaksin prosesindən kənarda qalmağa üstünlük verənlər isə, daha çox evdar qadınlar və tələbələrdir. 
 
4 min insanın iştirak etdiyi sorğunun nəticələrinə əsasən,  9,8 faiz şəxs peyvənddən imtina edib. Məlumata görə, xüsusilə qadınlar peyvənd olunmaqdan çəkinirlər.

Digər tərəfdən xəbər verdiyimiz kimi, Türkiyədə vaksin vurdurmayan şəxslərlə bağlı xüsusi qruplar yaradılacaq. Türkiyənin Səhiyyə naziri Fəxrəddin Qocanın sözlərinə görə, həmin qruplar peyvənd olunmaq istəməyənləri razı salmaq üçün formalaşdırılacaq. Belə ki, həmin şəxslər evlərə gedərək tövsiyələr verəcəklər. Bununla insanların hansı səbəbdən vaksinasiya prosesində iştirak etmədiyi də öyrəniləcək.

Azərbaycanda isə son sutkada koronavirus (COVID-19) əleyhinə 12 327 vaksin vurulub. Bir gündə birinci mərhələ üzrə vaksinasiya olunanların sayı 9 860, ikinci mərhələ üzrə vaksinasiya olunanların sayı 2 467 nəfərdir. Düzdür, ölkədə peyvəndləmə prosesi könüllüdür. Amma digər tərəfdən bu, həm də sağlamlığımız üçün vacibdir. Bu baxımdan maraqlıdır, niyə bəzi şəxslər hələ də peyvənd olunmaqdan imtina edirlər? Bu istiqamətdə TƏBİB hansı addımlar atmalıdır?

Məsələ ilə bağlı tibbi ekspert Adil Qeybulla Sfera.az-a açıqlama verib. Professor cəmiyyətdə peyvənd əleyhinə təbliğat olduğunu bildirib:

"Bununla bağlı ölkədə antipeyvənd kampaniyası mövcuddur. Bu da insanlarda peyvənd tərəddüdü yaradır. Müxtəlif şayiələr baş alıb gedir. Əvəzində isə, heç  bir maarifləndirici tədbirlər aparılmır. Televiziya kanallarında boş-boş, mənasız verilişlərdən başqa heç nə görmürük”.

Ekspert qeyd edib ki, pandemiya dövründə təbliğat prosesi önəmlidir:

"İnsanların başa salınması, maarifləndirmə işi istiqamətində, həmçinin vaksinasiyanın əhəmiyyəti ilə əlaqəli heç bir verilişlərə rast gəlmirik. Əlbəttə, belə olan halda, insanların vaksindən imtina etməsi təbii haldır”.

Qeyd edək ki, Azərbaycanda vurulan vaksinlərin ümumi sayı 1 337 361, birinci mərhələ üzrə vaksinasiya olunanların ümumi sayı 889 216, ikinci mərhələ üzrə vaksinasiya olunanların sayı isə 448 145 təşkil edir.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Antitel analizləri üçün nə qədər ödəməliyik?

Məlum olduğu kimi, Nazirlər Kabineti yanında Operativ Qərargah iyulun 1-dən etibarən yoluxma risklərinin azaldılması məqsədilə bir sıra iş yerlərində COVID-19 p...

Minaya düşən şəxs: Bir param kabinədə, ayaqlarım isə... - VİDEO

Məqsədimiz çəkiliş qrupu ilə Qamışlı kəndində görüşmək, plan üzrə Susuzluq kəndi ərazisinə daxil olmaq idi. Bu ərazilərdə çəkilişlər aparacaqdıq. Üç nəfər "KamA...

"Jurnalistlər binası"nın komendantı HƏBS EDİLDİ

"Jurnalistlər binası"nın komendantı Binyamin İsmayılov KİVDF-nin sabiq və həbsdə olan sədri Vüqar Səfərlinin ittiham edildiyi cinayət işi ilə bağlı saxlanılıb. ...

28 ildən sonra evinə qayıdan Şuşa sakini həyətindən görün nə tapdı - VİDEO

Şuşa sakini 28 illik həsrətdən sonra doğma şəhərində yerləşən evlərinin həyətini təmizləyib. Sfera.az xəbər verir ki, həmin şəxs həyətini təmizləyərkən Şu...

Kitab oğrusu kimi müzakirə olunan Elməddin danışdı - VİDEO

Kitab oğruları kimi gündəmdə müzakirə olunan iki şəxsdən biri - Elməddin Süleymanov məsələyə aydınlıq gətirib. Sfera.az xəbər verir ki, o müzakirəyə çevri...

“Siracla Məhərrəm öndəki “Kamaz”da idi” - Kəlbəcərə ezam olunan fotoqraf

Xüsusi çəkiliş qrupu olaraq səhər saatlarında Kəlbəcərin Susuzluq kəndinə yollandıq. Biz iki maşınla gedirdik. Siracla Məhərrəm öndəki "Kamaz"da idi. Mən digər ...