No Image
No Image

Kərim Babayevin bazarlarına ordu yeritdilər, yüzlərlə saxlanılan var

Kərim Babayevin bazarlarına ordu yeritdilər, yüzlərlə saxlanılan var
Rusiyanın Rostov vilayətində güc strukturları dünən səhər saatlarında azərbaycanlı biznesmen Kərim Babayevə məxsus üç nəhəng ticarət mərkəzində xüsusi əməliyyat keçirib.
 
Sfera.az xəbər verir ki, 3500-ə yaxın polis, hərbçi və "Rosqvardiya” döyüşçüləri vilayətin Aksay rayonunda biznesmenə məxsus "Almaz”, "Klassik” və "Atlant” ticarət mərkəzlərini mühasirəyə alıb, nəticədə yollarda uzunluğu kilometrlərlə ölçülən tıxaclar yaranıb.

Kərim Babayevin adı Aksay rayonunun administrasiyasının başçısı, aprelin 12-də həbs edilən Vitali Borzenkonun işində keçir. Borzenko 27 ildir həmin vəzifəni tuturdu və Federal Təhlükəsizlik Xidməti onu dövlətə məxsus torpaq sahələrini dələduzluq yolu ilə ələ keçirilməsi, korrupsiya kimi ittihamlarla həbs edib. Borzenko ilə birlikdə Kərim Babayevin oğlu Eduard Babayev və biznesmenin daha bir ortağı da həbs olunub. Kərim Babayevin isə Türkiyə üzərindən Azərbaycana, "nüfuzlu qohumlarının yanına” qaçdığı bildirilir. O, "Rostovun Berezovskisi” hesab edilir, çünki şirkətləri, kommersiya obyektləri və böyük torpaq sahələri var. 


Biznesmenin "Almaz”, "Klassik” və "Atlant” adlı üç bazarı isə Aksay rayonunun inzibati ərazisində, faktiki olaraq isə Rostov şəhərinin çıxışında 15 hektar ərazidə yerləşir.
 
"Rostov Gazeta” bildirir ki, bazarlarda keçirilən xüsusi əməliyyat zamanı 460 ticarətçi və ticarət köşklərinin sahibləri saxlanılaraq aparılıb. Onların qeyri-leqal miqrantlar olduğu bildirilir. Saxlanılanlar Əfqanıstan, Ermənistan, Azərbaycan və Türkiyə vətəndaşlarıdır. Bazarda işləyən qeyri-leqal miqrantların əksəriyyətinin mayın 4-nə qədər deportasiya olunacaqları deyilir. Saxlanılanları Rostovun bir neçə polis bölməsinə aparıblar. Bəzi məlumatlara görə bazarların ərazisində qeyri-leqal miqrantların yaşadığı qanunsuz tikililər də aşkarlanıb.

Hər üç bazar hazırda bağlıdır, onların sonrakı taleyinin necə olacağı məlum deyil.

Həbs olunan rayon başçısı Vitali Borzenkonun uzun illərdir Kərim Babayevlə əlbir olaraq ona torpaq sahələri ayırdığı, bazarlarından haqq aldığı bildirilir. KİV-lər K.Babayevin Rusiyada da çoxsaylı biznesmen qohumlarının olduğunu yazır.

(Virtualaz.org )

Sehliyali

Turan Bank

OXŞAR XƏBƏRLƏR

Xüsusi təyinatlı zabitimiz intihar etdi - FOTO

Vətən müharibəsinin iştirakçısı leytenant Nəbizadə Rüfət Ağayar oğlu intihar edib. Sfera.az xəbər verir ki, bu barədə hərbçimizin atası Ağayar Nəbizadə mə...

Bakıda külək 5 ağacı aşırdı

"Gecədən başlayan küləyə görə Nəsimi, Binəqədi və Nərimanov rayonunda ümumilikdə 5 ağac aşıb”.   Bu barədə Sfera.az-a Bakı Şəhər Yaşıllaşdırma Təsərrüfa...

“Xudayar çoxdandır təzə mahnı buraxmır” deyən şəxs döyüldü - VİDEO

Sosial şəbəkədə şəhid Xudayar Yusifzadə haqqında nalayiq ifadələr işlədən şəxs döyülüb. Sfera.az xəbər verir ki, Fuad Rəsulzadə adlı gənc bir müddət öncə ...

Alimpaşa Məmmədova qarşı irəli sürülən ittihamlar MƏLUM OLDU

Şəmkir rayonunun sabiq icra başçısı Alimpaşa Məmmədova qarşı irəli sürülən ittihamlar məlum olub. Sfera.az xəbər verir ki, A.Məmmədov Cinayət Məcəlləsinin...

Kərim Babayevin bazarlarına ordu yeritdilər, yüzlərlə saxlanılan var

Rusiyanın Rostov vilayətində güc strukturları dünən səhər saatlarında azərbaycanlı biznesmen Kərim Babayevə məxsus üç nəhəng ticarət mərkəzində xüsusi əməliyyat...

Rüstəm Behrudinin qardaşı oğlunun intiharından yazdı: “Oğlumu siz öldürdünüz” - FOTO

Azərbaycanın tanınmış şairi Rüstəm Behrudinin qardaşı İlham Alməmmədovun 17 yaşlı oğlu İsanın intiharı ilə bağlı ailəsinin müəyyən iddiaları var.   Sfer...