Kapital Bank beynəlxalq “DevDay in Baku’19” tədbirini təşkil etdi

Kapital Bank beynəlxalq “DevDay in Baku’19” tədbirini təşkil etdi
 
Kapital Bank İT mütəxəssislərinin iştirak etdiyi beynəlxalq "DevDay in Baku’19” tədbirini təşkil etdi. Layihə İT
sahəsində dünya nəhəngi olan IBM şirkəti ilə birgə keçirilib. Tədbirə müxtəlif şirkətləri təmsil edən yüzlərlə dinləyici
iştirak edib. Foruma Kapital Bank-ın İdarə Heyəti sədrinin müavini, Baş İnformasiya İnzibatçısı Nahid Zeynalov
qatılıb. Həmçinin, İnformasiya sistemlərinin inkişafı departamentinin direktoru Fərid Səmədov da spiker qismində
çıxış edib və təcrübəsi ilə bölüşüb.
Tədbir proqram təminatı üzrə mütəxəssisləri, proqram mühəndisləri, UI/UX dizaynerləri və informasiya
texnologiyaları üzrə digər mütəxəssisləri bir araya gətirib. Dünyanın müxtəlif ölkələrindən dəvət olunan ekspertlər
iştirakçılarla öz təcrübələri ilə bölüşüb, həyata keçirdikləri layihələrlə bağlı biliklərini paylaşıblar.
Ekspertlər Azərbaycanın, Birləşmiş Krallığın, Almaniyanın, Koreyanın, Rusiyanın və digər ölkələrin şirkətlərini
təmsil ediblər və bu sahədə intensiv təcrübəyə malikdirlər. Əsas sessiyalardan əlavə olaraq, iştirakçılar
"Development”, "Microservices” və "Product Design” adlı sessiya istiqamətlərindən birini seçərək təqdimatlara qatıla
biliblər.
"Hazırda Kapital Bank-da İT sahəsinin inkişafı istiqamətində mühüm və davamlı işlər həyata keçirilir. Rəqəmsal və
yenilikçi bank olmaq üçün güclü kadr potensialına malik olmaq önəmlidir. Bununla bağlı cari ildə bu sahəyə maraq
yaratmaq məqsədilə tələbələri İT üzrə təcrübə proqramına dəvət etdik və nəticədə onlarla gənci işə götürdük. 2020-ci
ildə də bu sahədə olan işləri davam etdirəcəyik və bazara yeni peşəkar mütəxəssislər təqdim edəcəyik”, - deyə, Kapital
Bank-ın İdarə Heyəti sədrinin müavini, Baş İnformasiya İnzibatçısı Nahid Zeynalovla bildirib.
Qeyd edək ki, Kapital Bank-da təcrübə proqramı artıq ənənəvi olaraq hər il keçirilir. Hazırda Kapital Bank-da İT
sahəsi üzrə təcrübə keçmək mümkündür. Maraqlanan gənclər CV-lərini mövzu hissəsində "İT Təcrübə” yazmaqla
[email protected] ünvanına göndərə bilərlər.

OXŞAR XƏBƏRLƏR

TuranBankdan özünüməşğulluq proqramına növbəti dəstək!

  Uğurla davam edən bu təşəbbüsə dəstək olaraq TuranBank sosial müdafiəyə xüsusi ehtiyacı olan işsiz şəxslərə, aztəminatlı ailələrə, məcburi köçkünlərə ...

Unibank özünüməşğulluq layihəsi çərçivəsində daha bir vətəndaşımıza dəstək oldu

  Unibank Bakı sakini Cavidan İsmayılovun şəxsi biznesini yaratmaq arzusunu reallaşdırdı.İllərdir öz bərbər salonunu açmaq, şəxsi biznesini qurmaq arzusu...

Unibank Salyan sakininə bayram hədiyyəsi etdi

  Unibank xalqımızı müqəddəs Qurban bayramı münasibəti ilə təbrik edir, xoşbəxtlik, xeyir-bərəkət arzulayır. Eləcə də bax: Yüksək faizlə əmanət...

Unicapitalın xalis mənfəəti 31% artıb

  "Unicapital” İnvestisiya Şirkəti 2019-cu ilin maliyyə nəticələrini açıqlayıb. Ötən ilin nəticələrinə görə, 2018-ci il illə müqayisədə 2019-cu ildə "Unic...

Rəqəmsal bank xidmətləri Expressbank-la daha rahatdır!

  Nağdsız ödənişlərin sürətlə inkişaf etdiyi dövrdə Expressbank rəqəmsallaşma istiqamətində müştərilərinin rahatlığını təmin etmək məqsədi ilə günbəgün ar...

Kapital Bank yenilənən Mingəçevir filialını istifadəyə verdi - FOTOLAR

  Kapital Bank müştəri xidmətinin inkişafı istiqamətində mütəmadi olaraq yeni layihələr həyata keçirir. Korporativ standartlara uyğun təmir edilərək müştə...