Bakı metrosu iş rejimini dəyişəcək

“Bakı Metropoliteni” QSC “Formula 1” üzrə Azərbaycan Qran-prisi ilə əlaqədar olaraq iş qrafikini uzadacaq. 

Sfera.az xəbər verir ki, qurumun yaydığı məlumata görə, sentyabrın 19-dan 20-nə və 20-dən 21-ə keçən gecələrdə metro stansiyaları saat 02:00-a qədər sərnişinlərin istifadəsinə açıq olacaq.

Bildirilib ki, yarış günlərində xüsusilə şəhər mərkəzinə yaxın stansiyalarda gücləndirilmiş iş rejimi tətbiq ediləcək. Bundan əlavə, sərnişin sıxlığının qarşısını almaq üçün əlavə ehtiyat qatarlar hazır vəziyyətdə saxlanılacaq.

“Bakı Metropoliteni” vətəndaşlara rahat və təhlükəsiz səfər üçün metronun istifadə qaydalarına riayət etməyi xatırladıb.

Bəsti Rəfizadə
Sfera.az