Sfera.az bildirir ki, bunu siyasi şərhçi Asif Nərimanlı ötən gün sosial mediada səs-küyə səbəb olan Qafqaz Müsəlmanları İdarəsinin sədri, şeyxülislam Allahşükür Paşazadənin İranla bağlı açıqlamasından danışarkən bildirib.

A.Nərimanlı vurğulayıb ki, İran bu gün də Xankəndinə "humanitar yardım” adı altında yük daşıyır:

"İranda Qarabağın işğaldan azad edilməsini dövlət təhlükəsizliyini təhdid kimi görən qüvvələr də var, hətta bununla bağlı müzakirələr də keçirilib. Azərbayan dövləti İranın nə olduğunu yaxşı bilir, buna rəğmən, dövlət ağlı ilə hərəkət edir. Xüsusilə mühafizəkarların gəlişindən sonra Azərbaycanın islahatçıların dövründə qarşısını böyük ölçüdə ala bildiyi dini ideologiya ixracının artacağı bəllidir. Belə bir məqamda dövlət ağlı iki qat həssas olur. Son günlər İranın dini dairələrinə jestlərin edilməsi də təsadüfi deyil”.

Ekspert qeyd edib ki,  şeyxin "Xamneyinin fitvasının Qarabağın azadlığına təsiri” fikri barıtın çox olmasıdır və bu ifadənin səbəbləri də çoxdur:

"Amma onu da unutmamalıyıq ki, nə etsək də İranın Azərbaycan siyasəti dəyişmir, dəyişməyəcək”.

Xatırladaq ki, şeyxülislam Allahşükür Paşazadə "Təzəpir” məscidində bayram namazından sonra jurnalistlərə açıqlamasında "Ayətullah Xameneinin "Qarabağ torpağı İslam torpağıdır” deyərək fətva verməsi qələbənin carçısı idi və bizi qələbəyə apardı”, deyə bildirib. Onun bu fikirləri əksəriyyətin narazılığına səbəb olub.