“iPhone 17” bu tarixdə satışa çıxarılacaq
“Apple” 2025-ci ildə təqdim edəcəyi yeni nəsil “iPhone 17” modeli ilə texnologiya dünyasının diqqət mərkəzinə düşməyə hazırlaşır. Şirkətin illik təqdimat ənənəsinə əsasən, ”iPhone 17”sentyabrda rəsmi olaraq təqdim ediləcək.
Sfera.az xarici mediaya istinadən xəbər verir ki, son illərdə “Apple” yeni “iPhone” modellərini sentyabr ayının ikinci həftəsində təqdim edir.
Bu tendensiya davam edərsə, “iPhone 17”nin də 2025-ci ilin sentyabr ayının ilk və ya ikinci həftəsində böyük bir tədbirlə təqdim olunacağı ehtimal edilir. Satışların isə eyni ay ərzində başlaması gözlənilir.
Adətən ABŞ-də keçirilən təqdimat tədbirindən sonra “iPhone” modelləri digər ölkələrdə, 1-2 həftə ərzində satışa çıxarılır.
“iPhone 17”də hansı yeniliklər gözlənilir?
“iPhone 17” ilə bağlı ən çox maraq doğuran məqamlardan biri də cihazın texniki və dizayn baxımından hansı yenilikləri təqdim edəcəyidir. Gözləntilərə görə, bu modeldə həm xarici görünüşdə, həm də daxili xüsusiyyətlərdə əhəmiyyətli dəyişikliklər olacaq.
Bəsti Rəfizadə
Sfera.az
