Neft ucuzlaşır - Yeni qiymət
ABŞ və İran arasında nüvə məsələləri ilə əlaqədar aparılan danışıqlarla bağlı ümidverici xəbərlərin gəlməsi neft bazarında ucuzlaşmaya səbəb olub.
Sfera.az xəbər verir ki, bu gün birjalarda bağlanan müqavilələrdə "Brent" neftinin qiyməti 66 dollardan alıcı tapıb.
Neftin qiyməti bir neçə gün əvvəl 68 dollar idi və əvvəlki ucuzlaşmadan sonra xeyli bahalaşmışdı. Aprelin əvvəlində "Brent" neftinin qiyməti 58 dollara qədər enmişdi. Lakin sonrakı günlərdə baş verən dəyişikliklər "qara qızıl"ın qiymətinin yenidən yüksəlməsinə imkan verdi.
Bu dəfə İranla ABŞ-nin razılaşması ehtimalı daxilində neft ucuzlaşır. Əgər yekun razılaşma əldə edilərsə bazarlara daha böyük həcmdə İran nefti çıxarılacaq və bu, qiymətlərin aşağı düşməsinə səbəb olacaq.
Razılaşmasa olmadıqda isə əks proses baş verəcək və yəqin ki, qiymət yenidən 70 dollar həddinə yüksələcək.
Vasif
