Avronun məzənnəsi 2 manata çatıb
Azərbaycanda avronun nağd şəkildə satış məzənnəsi 2 manat səviyyəsinə çatıb.
Sfera.az xəbər verir ki, böyük banklarda avro 1,97-1,98 manatdan, orta və kiçik banklarda 1,99 manatdan satılır.
Qısa müddət öncə Azərbaycanda avronun satış məzənnəsi 1,9 səviyyəsində idi.
Avronun bahalaşmasının səbəbi son günlərdə ABŞ dollarının qlobal dəyərinin aşağı düşməsi ilə bağlıdır.
Hazırda Dollar İndeksi 98 səviyyəsindədir. Bu indeks dolların dünyanın aparıcı 6 valyutasına qarşı ortaq məzənnə dəyərini ifadə edir. İndeks 2025-ci ilin yanvarında 109 idi. Son 4 ayda indeks 10 faizdən çox enib.
İndeksin düşməsi avronun dollara qarşı bahalaşmasına şərait yaradıb. Hazırda beynəlxalq birjalarda bir avro 1,15 dollara satılır. Yanvarda isə bir avro 1,035 dollar idi.
Son aylarda avronun dollara nəzərən bahalaşması onun manata nəzərən də dəyər qazanmasına səbəb olub.
Azərbaycan Mərkəzi Bankında bu ilin yanvarında bir avro 1,75 manat olduğu halda hazırda 1,96 manatdır. Qısa müddətdə bir avro 21 qəpik, 100 avro isə 21 manat bahalaşıb.
Vasif
