“Ölkələr mənə yalvarırlar" - Tramp

ABŞ Prezidenti Donald Tramp son günlərdə tətbiq etdiyi yeni gömrük tariflərinin ardınca ölkə rəhbərlərinin onu axtararaq ticarət razılaşması üçün yalvardığını iddia edib. 

Sfera.az xəbər verir ki, Tramp ABŞ-yə idxal olunan məhsullara 10%-dən 50%-ə qədər əlavə gömrük tarifləri tətbiq edib.

Bu vergilərdən Çin, Vyetnam, Tayland və Yaponiya kimi Asiya ölkələri ən çox təsirlənənlər arasında yer alır. Adıçəkilən ölkələrə 50%-ə qədər yüksək tariflər tətbiq edilib. Azərbaycan da daxil olmaqla bir çox ölkəyə isə 10% vergi tətbiq olunub.

Donald Tramp Vaşinqtonda Respublikaçılar Partiyasının təşkil etdiyi toplantıda çıxış edərkən, əlavə gömrük tarifləri nəticəsində digər ölkələrin onunla ticarət razılaşması imzalamaq üçün yalvardığını bildirib. O, çıxışında “Bu ölkələrdən zənglər gəlir, yalvarır və "Hər şeyi edərəm, cənab" deyirlər” ifadələrini işlədib.
Qeyd edək ki, Trampın nəzərdə tutduğu ölkələr ABŞ-yə böyük həcmdə mal satan ölkələrdir. Onlar üçün 10 faizdən çox əlavə tarifin tətbiqi arzuedilməzdir. Çünki bu halda həmin ölkələrdən ABŞ-yə ixrac azalacaq. 

Bəsti Rəfizadə