Azərbaycanda təbi artım azalıb - RƏQƏMLƏR
Azərbaycanda son 10 ildə təbii artımda sürətli zəifləmə müşahidə olunur.
Sfera.az xəbər verir ki, azalma dinamikası 2024-cü ildə də davam edib. 2024-cü ildə təbii artım (doğulanlarla ölənlərin fərqi) 43 401 nəfər olub ki, bu da 2023-cü illə müqayisədə 9 069 nəfər azdır.
On il əvvəl, yəni 2014-cü ildə ölkəmizdə təbii artım 114 855 nəfər olmuşdu. Bu göstərici 2017-ci ildə 86 932 nəfərə, 2020-ci ildə 50 924 nəfərə, 2021-ci ildə 35 406 nəfərədək geriləyib. 2021-ci ildə təbii artımın kəskin düşməsi karantinlə əlaqədar nikahların sayının kəskin azalması, eləcə də COVID-19 virusunun təsiri ilə ölüm sayının kəskin artması ilə bağlıdır.
Karantin tədbirləri aradan qalxdıqdan və epidemiya zəifləyəndən sonra 2022-ci ildə təbii artım 62 036 nəfərə yüksəlib. Amma 2023-cü ildən yenidən azalma baş verib və həmin ildə təbii artım 52 470 nəfərə, 2024-cü ildə 43 401 nəfərə düşüb. Ümumilikdə, son 10 ildə Azərbaycanda təbii artım sayı 71 454 nəfər və ya 2,65 dəfə azalıb.
Əgər son illərdə təbii artımda müşahidə edilən zəifləmə sürəti qarşıdakı illərdə də qalarsa, o zaman 2030-cu ildə təbii artımı təbii azalma əvəzləyəcək.
Vasif
