Lirə dəyər itirdi: Yeni ANTİREKORD

ABŞ dollarının türk lirəsinə qarşı məzənnəsində növbəti antirekord qeydə alınıb. 

Sfera.az xəbər verir ki, fevralın 10-dan sonra bir ABŞ dolları 36 lirə həddini keçib. Son 3 gündə dolların lirəyə qarşı bahalaşması bir qədər də dərinləşərək məzənnə 36,11 həddinə çatıb. 

Xatırladaq ki, 2025-ci ilin əvvəlində bir dollar 35,2 lirə idi. Yeni il daxil olandan dollar lirəyə nisbətən 2,5 faizdən çox bahalaşıb. Son bir ildə isə dollar 18 faizə yaxın yüksəlib. Bir il əvvəl bir dollar 30,5 lirə idi. 

Lirənin ucuzlaşması Türkiyədə inflyasiyanın güclənməsinə də səbəb olur.  Məlumat üçün bildirək ki, 2024-cü ilin sonunda Türkiyədə inflyasiya 60%-ə yaxınlaşmışdı. 2025-ci ilin yanvar ayında isə bu rəqəm 61,3%-ə yüksəlib.

Vasif