Qızılı olanlara VACİB XƏBƏR - Bir qramı...
ABŞ Prezidenti Donald Trampın xarici ticarətdə tətbiq etdiyi yeni tariflər növbəti ticarət müharibəsinin başlayacağına dair narahatlığı artırıb. Bu narahatlıq qızıl qiymətlərinin bir qədər də yüksəlməsinə səbəb olub.
Sfera.az xəbər verir ki, bu gün qızıl bir qədər də bahalaşaraq qiyməti 2960 dollara çatıb.
İlin əvvəlindən bir troya unsiya (31,1 qram) qızılın dəyəri 275 dollar artıb. 2025-ci ilin əvvəlində bir troya unsiya qızılın qiyməti 2685 dollar idi. Qısa müddətdə qızılın bu qədər bahalaşması məhz Trampın açıqlamaları və atacağı addımlarla bağlı olub.
“Nəcib metal”ın qiymətinin daha da bahalaşması ehtimalı var. Ehtimal edilir ki, Rusiya-Ukrayna müharibəsini dayandırmaq üçün ABŞ daha sərt tədbirlərə əl atacaq. Bu halda investorlar və mərkəzi banklar öz vəsaitlərini risklərdən qorumaq üçün qızıl alışına yönələcəklər ki, bununla da qızılın qiyməti daha da yüksələcək.
Vasif
