Azərbaycanda bankomatların sayı artıb
2024-cü ildə Azərbaycanda bankomatların sayı 192 ədəd artıb.
Sfera.az rəsmi dövlət statistikasına istinadən xəbər verir ki, 2023-cü ilin sonunda 3112 ədəd olan bankomat sayı 2024-cü ilin sonunda 3304 ədədə yüksəlib. Statistika göstərir ki, Azərbaycanda ən çox bankomat Bakıda quraşdırılıb. Bakıda 1772 ədəd, regionlarda 1532 ədəd bankomat var.
2024-cü ildə bankomatların say artımı da Bakıda regionlara nisbətən daha çox olub. Bankomatların sayı regionlarda 41 ədəd artdığı halda Bakıda 151 ədəd artıb.
Paytaxtda bankomatların sayının daha çox olması burada aparılan əməliyyatların həcminin və sayının çox olması ilə bağlıdır. Eyni zamanda Bakıda ödəniş kartına sahib olanların sayı da regionlarda olan kartların sayından çoxdur.
Bu səbəblər Bakıda bankomatların sayının artırılmasını zəruri edir.
Vasif
