Dollar getdikcə ucuzlaşır - SƏBƏB
Hakimiyyəti dövründə Donald Trampın atacağı addımların məlum olması ABŞ dollarının ucuzlaşmasına səbəb olur.
Sfera.az xatırladır ki, Trampın açıqlamalarına qədər dollar digər aparıcı valyutalara nəzərən bahalaşırdı. Amma bu açıqlamalardan sonra vəziyyət əksinə dəyişib.
Dolların dünyanın aparıcı 6 valyutasına qarşı ortaq məzənnəsini ifadə edən Dollar İndeksi yanvarın 13-də 110 səviyyəsinə çatmışdı ki, bu da iki ay ərzində 10 faiz bahalaşma deməkdir.
Trampın hansı tədbirləri həyata keçirəcəyinə dair verdiyi açıqlamalardan sonra indeks tədricən düşür. Artıq indeks 107,7 səviyyəsinə qədər geriləyib. Analitiklər proqnozlaşdırır ki, Tramp ixracı artırmaq üçün dolların müəyyən qədər ucuzlaşmasına şərait yaradacaq. Bununla yanaşı Trampın Rusiya-Ukrayna müharibəsindən başqa digər regional müharibələrin qarşısını da almağa çalışacağı ehtimal edilir.
Qeyd edilən gözləntilər qlobal səviyyədə risklərin azalmasına şərait yaradacaq ki, bu da dolların müəyyən qədər ucuzlaşmasına imkan verəcək. Ekspertlər dollar indeksinin ciddi dəyişikliklər olmayacağı təqdirdə yenidən 100 səviyyəsinə qədər düşəcəyini təxmin edirlər.
Vasif
