Avro ilə dollar bərabərləşəcək - PROQNOZ

ABŞ dollarının avroya nəzərən bahalaşması tendensiyası yeni ilin ilk günlərində də davam edib. 

Sfera.az beynəlxalq birjaların məlumatlarına istinadən xəbər verir ki, hazırda bir avro 1,03 dollara bərabərdir. 

Son aylarda iki valyuta arasında ən yüksək məzənnə 2024-cü ilin sentyabrın sonunda qeydə alınmışdı. Həmin günlərdə bir avro 1,11 dollardan baha idi. Ötən 3 ay ərzində avro dollara nəzərən 7,2 faiz ucuzlaşıb. 

Avronın ucuzlaşması Azərbaycanda da müşahidə edilir. Azərbaycanın böyük banklarında bir avro 1,75 manata alınır, 1,79-1,8 manata satılır. Üç ay öncə isə avro 1,85-ə alınıb 1,9-dan baha satılırdı. 

Xarici analitiklərin rəylərinə görə, avro ilə dollar arasında olan məzənnə paritet həddinə (1 avro=1 dollar) qədər ucuzlaşacaq. 

Son 3 ayın dinamikası göstərir ki, belə bir proqnozun gerçəkləşməsi realdır. 

Vasif