Manatın nominal dəyəri ARTDI - RƏSMİ
Azərbaycan manatının nominal məzənnəsi qeyri neft-qaz sektoru üzrə bu ilin noyabrında bir qədər də yüksələrək son illərin ən yüksək səviyyəsinə çatıb.
Sfera.az Mərkəzi Banka istinadən xəbər verir ki, son bir ildə manatın qeyri neft-qaz çəkili nominal effektiv məzənnəsi 6,93 faiz artıb. Bu artımdan sonra nominal məzənnə baza dövründən (2000-ci ilin dekabrı) 80,4 faiz yüksək olub.
Nominal məzənnədən fərqli olaraq, real effektiv məzənnə aşağı düşüb. Bu ilin noyabrında qeyri neft-qaz çəkili real məzənnə bir il əvvəlki tarixlə müqayisədə 0,5 faiz azalıb. Amma 2000-ci ilə nisbətən manatın real dəyəri 19 faiz artıb.
Qeyd edək ki, manatın real məzənnəsinin ucuzlaşması Azərbaycanda inflyasiya səviyyəsinin ticarət tərəfdaşı olan ölkələrdəki inflyasiyadan aşağı olması ilə bağlıdır. Aşağı inflyasiya ilə əlaqədar Azərbaycanda məhsullar daha ucuz olur ki, belə vəziyyətdə Azərbaycandan ixrac ucuzlaşır, idxal isə bahalaşır.
Vasif
