Bu kriptovalyutanın həcmi 2 trilyon dolları ötdü
Dünyanın ən bahalı kriptovalyutası olan “Bitcoin”in qiyməti ilk dəfə olaraq 100 min dollar həddini ötüb.
Sfera.az xəbər verir ki, dünən dəyəri 95-97 min dollar intervalında dəyişən “Bitcoin”in qiyməti bu gün 5 faizdən çox artaraq 102 min dollara çatıb.
“Bitcoin”in dəyərində artım dalğası 2024-cü ilin avqustundan müşahidə edilir. Avqustda qiyməti 60 min dollardan aşağı olan “Bitcoin”in dəyəri ötən 4 ay ərzində 42 min dollar artıb. Son bir ildə isə “Bitcoin”in dəyəri 64 min dollar yüksəlib.
“Bitcoin”in bahalaşması ona qoyulan investisiyaların ümumi həcminin də artmasına səbəb olub. İlk dəfə olaraq “Bitcoin”in bazar həcmi 2 trilyon dolları ötüb. Ən bahalı kriptovalyutanın bazar dəyəri hazırda 2,02 trilyon dollardır.
Qiymət artımlarından görünür ki, bir neçə il əvvəl “Bitcoin”a investisiya edənlər indi xeyli varlanıblar. Çünki son 5 ildə “Bitcoin”in dəyəri bir neçə dəfə artıb. Beş il əvvəl “Bitcoin”un qiyməti 5-7 min dollar idi. Ötən müddətdə bu kriptovalyuta təxminən 20 dəfə bahalaşıb.
Vasif
Sfera.az
