Səudiyyə Ərəbistanla bağlı xəbərlər nefti ucuzlaşdırır
Neft Səudiyyə Ərəbistanından gələn xəbərlərlə yenidən ucuzlaşır.
Sfera.az “Financial Times”ə istinadən xəbər verir ki, Səudiyyə Ərəbistanı bazar payını bərpa etmək üçün hasilatı artırmaq niyyətindədir. “Financial Times”ə danışan məlumatlı mənbə bildirib ki, hökumət bunun üçün hətta qiymətləri endirməyə də hazırdır.
Birjalarda bu xəbərin yayılmasından sonra neft qiymətlərində son 2 həftənin ən böyük enməsi qeydə alınıb. “Brent” neftinin qiyməti bir gündə 2,5% enib və 70 dollara düşüb. Amma günün sonrakı saatlarında qiymət 71 dollara çatıb.
Xatırladaq ki, cəmi iki gün öncə “Brent” nefti 75 dollara satılırdı. Birja analitikləri hesab edir ki, Səudiyyə xəbərinin neft qiymətlərində azaldıcı təsirinin qalması üçün onun reallığa çevrilməsi lazımdır. Əks təqdirdə neft yenidən bahalaşacaq. Çünki Çindən gələn müsbət xəbərlər və ABŞ dollarının ucuzlaşmasının davam etməsi neftin bahalaşmasına əsas verir.
Vasif
