“Bitcoin” yenidən bahalaşır – SON QİYMƏT
Dünyanın ən bahalı kriptovalyutası olan “Bitcoin”in qiyməti 35 min dolları ötüb.
Sfera.az xəbər verir ki, “Bitcoin”in qiyməti uzun müddət 30 min dollardan aşağı olub. Yalnız son bir neçə həftə ərzində kriptovalyutanın qiyməti davamlı artaraq 35 min dolları ötüb. Son 3 həftədə “Bitcoin”in dəyərində 10 min dollara yaxın artım qeydə alınıb.
“Bitcoin”in bahalaşması ABŞ mərkəzi bankının (FED) faiz dərəcələrini artırmayacağına, əksinə yaxın aylarda faizləri aşağı salacağına dair gözləntilərin yaranması ilə bağlıdır. Faizlərin enməsi dolların ucuzlaşmasına əsas yaradacaq.
Bir qayda olaraq dollar bahalaşdıqda “Bitcoin” ucuzlaşır, dollar ucuzlaşdıqda isə əksinə kriptovalyuta bahalaşır. Son həftələrdə “Bitcoin”in dəyərinin yüksəlməsinin əsasında da dolların ucuzlaşma ehtimalı dayanır.
“Bitcoin”in bahalaşması bu kriptovalyutaların bazar həcminin dəyərini də artırıb. Bahalaşmadan sonra “Bitcoin” bazarının həcmi 688 milyard dolları ötüb.
Xatırladaq ki, “Bitcoin”in qiyməti əvvəllər daha yüksək idi. 2021-ci illərin sonunda kriptovalyutanın qiyməti 61 min dolları, bazar həcmi isə 1 trilyon dolları ötmüşdü.
Vasif
