Çin və Rusiya birgə hərbi təlimlərə başladı - FOTO
15:58 / 10.08.2021
1014
Çin və Rusiya silahlı qüvvələri Çinin şimalındakı Ninqskia Huy Muxtar Bölgəsində birgə hərbi təlimlərə başlayıblar.
Sfera.az Çin xəbər agentliyi "Xinhua”ya istinadən bildirir ki, təlim iki ölkə arasında terrorla mübarizədə birgə əməliyyat tədbirlərini möhkəmləndirməyə istiqamətlənib.
Əməkdaşlığın həm regional, həm də beynəlxalq sülh və sabitliyi təmin etməyi hədəflədiyini ifadə edən Çin hərbi rəsmiləri, Çin-Rusiya hərtərəfli strateji tərəfdaşlığı çərçivəsində ölkələr arasında qarşılıqlı etimadın, praqmatik əməkdaşlığın, eləcə də koordinasiyanın inkişafı üçün vacib olduğunu vurğulayıblar.
Təlimin Çinin ABŞ-ın Əfqanıstandan çəkilməyə başladıqdan sonra ölkədə artan şiddət və qeyri -sabitliyin sərhəd bölgələrinə təsir edəcəyindən narahat olduğu bir dövrə təsadüf etməsi də diqqət çəkir.
Qeyd edək ki, Çinin şimal -qərbindəki Sincan Uyğur Muxtar Bölgəsində Əfqanıstanla dar bir sərhəd koridoru yerləşir.
Əzizə Zeynal
Sfera.az
