Çin kosmosa iki peyk göndərdi
Maraqlı
12:30 / 31.08.2019
2887
Avqustun 31-də Çin "Kuayçjou-1A” raketdaşıyıcısı ilə kosmosa iki peyk göndərib.
Bu barədə Çinin Mərkəzi televiziyası məlumat yayıb.
Məlumata görə raketdaşıyıcı ölkənin şimal-qərbində yerləşən Qansu əyalətinin Tszyuan kosmodromundan orbitə buraxılıb. Kosmik aparatlardan biri mikroqravitasya eksperimental peyki, digəri isə "Syaosan-1-07” elmi-tədqiqat aparatıdır.
Bu, "Kuayçjou-1A” raketdaşıyıcısının kosmosa üçüncü buraxılışıdır.
AzərTAc xatırladır ki, ÇXR meteoroloji, telekommunikasiya, naviqasiya peyklərini orbitə göndərməklə öz kosmik proqramını inkişaf etdirir. Bununla yanaşı, çinli alimlər 2020-2025-ci illərdə asteroidlərin və Marsın tədqiqi üzrə geniş proqramı da həyata keçirəcəklər.
