İmişlinin icra başçısı 7 ildir yaşadığı kottej villanın kirayə pulunu necə ödəyir?

İmişlinin icra başçısı 7 ildir yaşadığı kottej villanın kirayə pulunu necə ödəyir?

Xaçmaz rayonuna yen təyin olunmuş İcra Hakimiyyəti başçısının həmin rayonda yerləşən "Elit" otelində qalması barədə xəbər tirajlanır. Bur barədə yayılan məlumatlarda bildirilir ki, icra başçıları üçün nəzərdə tutulan qonaq evi sabiq başçı Şəmsəddin Xanbabayev tərəfindən özəlləşdirilib.


Sözügedən qonaq evi hazırda sabiq İcra başçısının şəxsi mülkiyyətindədir. Bu səbəbdən yeni təyin edilən icra başçısı Elnur Rzayev oteldə gecələmək məcburiyyətində qalıb.

Qeyd edək ki, bir çox rayonlarda başçılar dövlətə məxsus olan xidmət binalarının özəlləşdirilməısi ilə bağlı məlumatlar var. Lakin burada, həmçinin söhbət dövlət mülkiyyətinin mənimsənilməsində də gedir və bu təbii ki, hüquqi məsuliyyət də yaradır.

Əslində Xaçmazın yeni başçısının ucuz oteldə yaşaması elə də ictimai infromasiya yükü olmayan xəbər hesab olunmalıdır. Başçı əlacsızlıqdan aşağı kateqoriyalı bir oteldə qalıb və ayağını yorğanına görə uzadır. Elnur Rzayev Xaçmazda çalışdığı vəzifəsindən sui-istifadə edərək maaşı ilə uzlaşmayan bahalı və təmtəraqlı oteldə qalsaydı, bu, artıq ictimai məzmun kəsb edən infomasiya sayıla bilərdi.

Misal üçün, İmişli rayonun icra hakimiyyətinin başçısı Vilyam Hacıyevin yaşadığı otel kimi...

Sfera.az  xəbər verir ki, Vilyam Hacıyev İmişli rayonuna İH başçısı təyin edilən gündən indiyə kimi hələ də "Azərsun” Holdinqə məxsus İmişli şəkər zavodunun yaşıllaşdırılmış zonasında qonaqlar üçün inşa edilmiş oteldə qalır. "Otel” dedikdə, ağlınıza hansısa 4 ulduz, yaxud kasıbvari bir ya da iki otaqlı nömrə gəlməsin. Vilyam Hacıyevin qaldığı villa tipli kottecdir ki, müəllim ailəsi ilə birlikdə neçə illərdə orada yaşayır. Təbii İmişlinin başçısı olduğundan "Azərsun” Holdinqin yerli nümayəndəliyi ona bir söz deyə bilmir.

Qeyd edək, Korrupsiyaya qarşı mübarizə haqqında AZƏRBAYCAN RESPUBLİKASININ QANUNuna görə, vəzifəli şəxslərin öz statusundan, təmsil etdiyi orqanın (qurumun) statusundan, vəzifə səlahiyyətlərindən və ya həmin status və səlahiyyətlərdən irəli gələn imkanlardan istifadə etməklə qanunsuz olaraq maddi və sair nemətlər, imtiyazlar və ya GÜZƏŞTLƏR əldə etməsi KORRUPSİYA hesab edilir.

Göründüyü kimi, Vilyam Hacıyev vəzifəsindən faydalanıb ciddi güzəşt əldə edərək özəl bir şirkətin kottecində yaşayır. Deyə bilər ki, həmin villada yaşadığına görə kirayə pulu verir. Ancaq elə bir villanın aylıq kirayəsi İH başçısının vəzifə maaşından iki dəfə, bəlkə də daha çox edər. Elə isə Vilyam müəllimin ailəsi nə yeyir, nə içir? Müəllimin özü, övladları bahalı kostyumları necə geyinir, bahalı maşınlar hansı pulla alır?

Qarşı tərəfin mövqeyini dərc etməyə hazırıq.

Mənbə PİA.az

OXŞAR XƏBƏRLƏR

Elgizin verilişinə çıxan 14 yaşlı qız dünyasını dəyişdi - ŞOK ÖLÜM SƏBƏBİ... - VİDEOLAR

Bir neçə gün öncə "Elgizlə izlə” verilişində qızı Asimanla qonaq olan Alim bəyə itki üz verib. Lent.az -ın məlumatına görə, verilişə atasını evləndirm...

Zelenski İlham Əliyevi belə güldürdü - VİDEO

  Ukrayna Prezidenti Vladimir Zelenski mətbuata bəyanatlarla çıxışında Azərbaycan dilində salamı Prezidenti İlham Əliyev təbəssümlə qarşıla...

Bakıda doğum günündə intihar edən məmurun FOTOLARI

Xəbər verdiyimiz kimi, Nərimanov rayon İcra Hakimiyyətinin ərazi idarəetmə və yerli özünüidarəetmə orqanları ilə iş şöbəsinin müdiri Əlizadə Elmar Şamil oğlu öz...

“Sipark İnşaat”da ölüm işi necə ört-basdır edilib? – Şok təfərrüat

 "Sipark İnşaat” tikinti şirkəti Bakının Təbriz küçəsində pilot layihə olan bina inşasını acı bağırsaq kimi uzadır. Şirkət kirayələrə köçürdüyü sakinlər...

Niyaməddin Musayevin ölüm xəbəri yayıldı, məlum oldu ki...

  Bir neçə dəqiqə sosial şəbəkələrdə xalq artisti Niyaməddin Musayevin ölüm xəbəri yayılıb.  Xalq artisti bununla bağlı açıqlamasında yayılan ...

ƏHALİYƏ ŞAD XƏBƏR: Bu xəstəxanalar və xidmətlər PULSUZ OLACAQ

Sfera.az xəbər verir ki, Azərbaycanda 2020- ci ilin yanvarın 1-dən etibarən uzun illərdir ki, əhalinin gözlədiyi İcbari Tibbi Sığorta sistemi tətbiq edilməyə ba...