İdman tarixini kökündən dəyişən atlet KİMDİR?

İdman dünyasında yeni bir üslub yaratmaq hər kəsin bacaracağı bir iş deyil. Lakin Dick Fosberi yüzlərlə uğursuz cəhddən sonra öz metodunu taparaq idman tarixində inqilabi bir dəyişiklik etdi.

Sfera.az xəbər verir ki, uşaqlıqdan idmana böyük maraq göstərən Fosberi çox istedadlı olmasa da, başqa sahədə özünü görmürdü. O, basketbol və futbol komandalarına qoşulmağa çalışsa da, bədən quruluşu bu idman növlərinə uyğun deyildi. Lakin o, inadından dönmədi və atletika sahəsində özünü sınamaq qərarına gəldi.

Hündürlüyə tullanma məşqləri zamanı hər dəfə bara toxunduğunu müşahidə edirdi. Mövcud atlama metodları onun üçün işləmirdi. O isə təslim olmadan, yeni bir texnika axtarmağa başladı.

İllər boyunca araşdırmalar və sınaqlar aparan Fosberi, özünə ən uyğun metodu inkişaf etdirdi: Fosberi atlaması. 

Bu texnika idmançının bara arxası üstə tullanmasını nəzərdə tuturdu. 1968-ci il Meksika Olimpiya Oyunlarında bu yenilik ona qızıl medal qazandırdı və qısa müddətdə hündürlüyə tullanma sahəsində standart bir üsula çevrildi.

Bu hekayə bizə uğursuzluqların yalnız bir başlanğıc olduğunu və əzmkarlıqla hər şeyin mümkün ola biləcəyini sübut edir. Fosberi, idman dünyasına yeni bir nəfəs gətirənlərdən biri kimi tarixə adını yazdırdı.

Onun yaradıcı ağlından istifadə edərək əldə etdiyi bu yenilik hündürlüyə tullanmanın atletika intizamının “ən yaxşı qəbul edilən üsullarını” və hətta bu idman növünün fəlsəfəsini tamamilə dəyişdi.
 

Bu hadisədən bir neçə il sonra "Fosbury Jump" atletlər tərəfindən istifadə edilən ümumi bir texnikaya çevrildi.
 

1972-ci ildən bəri olimpiya qızıl medal qazanan və rekord qıranların arasında “Fosbury Jump”dan istifadə edən çoxlu adlar var.
 

Göründüyü kimi, Fosberi təkcə özünü deyil, minlərlə insanı ruhlandırır. Onun çətin və qətiyyətli hekayəsi bir çoxlarına yaradıcılıq üçün bir neçə yaşıl işıq verib.

Xanım