Messi ABŞ klubuna milyonlarla ziyan vurdu
"İnter Mayami"nin baş məşqçisi Xavyer Maskerano sıx oyun qrafiki səbəbindən Lionel Messini MLS çərçivəsində keçirilən "Hyuston Dinamo" ilə səfər oyununda (4:1) heyətə daxil etməyib.
Sfera.az xəbər verir ki, Messinin istirahət etməsi meydan sahibi azarkeşlərin narazılığına səbəb olub. Çünki MLS onun populyarlığından marketinq məqsədləri üçün istifadə edib. Nəticədə biletlər yüksək qiymətə satılıb.
Azarkeşlərin narazılığına cavab olaraq "Dinamo" onlara qarşıdakı oyuna pulsuz bilet təklif edib. "Rəqiblərimizin heyətinə nəzarətimiz yoxdur, lakin azarkeşlərə təşəkkür etmək istəyirik", - deyə klub açıqlamasında bildirib.
Bu yolla "Hyuston Dinamo" milyonlarla dollar itirsə də, azarkeşlərinə qarşı sədaqətini göstərməyə çalışıb.
Qeyd edək ki Messinin KONKAKAF Çempionlar Liqasında "Kavalyers"ə qarşı matçda meydana çıxması gözlənilir.
