Azərbaycan Premyer Liqasında XIII turun növbəti oyunu keçirilib.

Sfera.az xəbər verir ki, “Səbail” doğma meydanda “Turan Tovuz”la qarşılaşıb.

“ASCO Arena”da reallaşan qarşılaşma 1:1 hesablı bərabərliklə yekunlaşıb.

Matçda hesabı 40-cı dəqiqədə meydan sahiblərindən Rüfət Abdullazadə açıb. Qonaqlar isə final fitinə 4 dəqiqə qalmış Faiq Hacıyevin qolu ilə məğlubiyyətdən xilas ola biliblər.

Qeyd edək ki, turnir cədvəlində “Turan Tovuz” 26 xalla üçüncü, “Səbail” 8 xalla doqquzuncu sırada qərarlaşıb.

Premyer Liqası
XIII tur
9 noyabr

“Səbail” – “Turan Tovuz” 1:1