AFFA İrəvandakı təxribatla bağlı UEFA-ya müraciət edəcək
22:43 / 11.09.2023
4319
Xəbər verdiyimiz kimi, futbol üzrə Avropa çempionatının seçmə mərhələsi çərçivəsində İrəvanda keçirilən Ermənistan-Xorvatiya matçında meydan sahibləri təxribata əl atıb. Belə ki, matçın ilk hissəsinin sonlarına doğru meydanda dronla Qarabağdakı qondarma rejimin “bayrağı” uçurdulub.
Sfera.az-ın məlumata görə, İrəvandakı təxribatla bağlı AFFA UEFA-ya müraciət edəcək.
Bu barədə qurumun mətbuat katibi Elnur Məmmədli bildirib:
“Ermənilər indi də AÇ-2024-ün seçmə mərhələsinin İrəvanda keçirilən Ermənistan - Xorvatiya oyununda təxribata əl atıblar. Bu dəfə dronla qondarma rejimin "bayrağı"nı qaldırıblar. Bu qəbuledilməz hadisə ilə bağlı AFFA UEFA-ya müraciət edəcək”.
