Heydər Əliyev Fondunun dəstəyi ilə hazırlanan www.44days.info portalı təqdim olunub - FOTO

Heydər Əliyev Fondunun dəstəyi ilə hazırlanan www.44days.info portalı təqdim olunub - FOTO
Vətən müharibəsinin xronikasını təqdim edən www.44days.info saytı Heydər Əliyev Fondunun dəstəyi ilə yaradılıb.

Sfera.az xəbər verir ki, 8 başlıqdan ibarət olan bu portal 44 günlük Vətən müharibəsinin salnaməsini Azərbaycan, rus və ingilis dillərində izləyicilərə çatdırır. 

Azərbaycan Respublikasının Prezidenti, Ali Baş Komandan İlham Əliyevin xalqa müraciətləri, dövlət başçısının müxtəlif beynəlxalq media qurumları və xəbər agentliklərinə müsahibələri, tvitləri, videokonfransları, onlayn görüşləri və müxtəlif ölkələrin prezidentləri və rəsmiləri ilə telefon danışıqları, yerli və beynəlxalq qurumların, müxtəlif ölkələrin və təşkilatların nümayəndə heyətləri ilə keçirilən qəbullar, Azərbaycan Respublikası Müdafiə Nazirliyinin rəsmi açıqlamaları, xarici mediada Vətən müharibəsi ilə bağlı dərc edilən məqalələr, 44 günlük müharibə zamanı Ermənistan silahlı qüvvələri tərəfindən Azərbaycanın mülki əhalisinə qarşı hücumlarla bağlı məlumatlar portalda əksini tapıb

Portalın əsas səhifəsində Vətən müharibəsinin hər günü və Ermənistanın kapitulyasiyasını ifadə edən üçtərəfli bəyanat yer alıb. Bundan başqa, müharibənin hər günü ayrıca bölmələrdə təqdim edilir, həmin günə aid xarici mediada dərc olunan məqalələr və analitiklərin proqnozları mətn və linklərdə əks olunur.

Portalın "44 günlük müharibəyə gedən yol” bölməsində 2020-ci il iyul hadisələri xronoloji ardıcıllıqla əks olunub və "Müharibə niyə baş verdi?” başlıqlı təhlil təqdim edilib. 14 iyul 2020-ci il tarixində Milli Orduya dəstək məqsədi ilə Bakının mərkəzində keçirilən yürüşün fotoları və xarici mediada bu hadisələrlə bağlı dərc olunan məqalələr mətn və linklərlə verilib. 

"Mülki əhaliyə hücum” bölməsində isə Ermənistan silahlı qüvvələrinin Azərbaycan Ordusunun cəbhə boyu mövqelərinə intensiv zərbələr endirməklə yanaşı, Ağdam, Ağcabədi, Bərdə, Füzuli, Gəncə, Goranboy, Tərtər və cəbhə xəttindən kənarda yerləşən digər şəhər və rayonlara endirdiyi raket zərbələri və artilleriya atəşi nəticəsində mülki əhalimizin öldürülməsi və onlara dəyən ziyanı əks etdirən məqalələr xronoloji ardıcıllıqla yerləşdirilib. 

Azərbaycan Ordusunun Vətən müharibəsindəki tarixi qələbəsi münasibəti ilə Bakıda keçirilən hərbi parad, Azərbaycan Respublikasının Prezidenti, Ali Baş Komandan İlham Əliyev və birinci xanım Mehriban Əliyevanın işğaldan azad olunmuş Azərbaycan ərazilərinə etdiyi səfərlərin xronoloji ardıcıllığı, o cümlədən foto və video materiallar da sayt izləyicilərinə təqdim edilir.

Bundan əlavə portalda Ermənistan-Azərbaycan Dağlıq Qarabağ münaqişəsinin tarixi, hüquqi və siyasi aspektləri, işğal olunan ərazilərdə mədəni irs və təbii sərvətlərimizə qarşı ermənilər tərəfindən törədilmiş cinayətlər və Xocalı Soyqırımı ilə bağlı gerçəkləri özündə əks etdirən baza da öz əksini tapıb.

Saytın təqdimatında Heydər Əliyev Fondunun şöbə müdiri Cəmil Əliyev və Saytın işçi qrupunun üzvü Şamxal Əbilov çıxış edib. 



Sehliyali
Turan Bank

OXŞAR XƏBƏRLƏR

Son sutkada koronavirusa yoluxanların sayı AZALDI

Azərbaycanda son sutkada koronavirus (COVID-19) infeksiyasına 1 477 yeni yoluxma faktı qeydə alınıb, 628 nəfər müalicə olunaraq sağalıb. Nazirlər Kabineti...

Son sutkada koronavirusa yoluxanların sayı AÇIQLANDI

Azərbaycanda son sutkada koronavirus (COVID-19) infeksiyasına 2 036 yeni yoluxma faktı qeydə alınıb, 1 045 nəfər müalicə olunaraq sağalıb. Nazirlər Kabine...

Heydər Əliyev Fondunun dəstəyi ilə hazırlanan www.44days.info portalı təqdim olunub - FOTO

Vətən müharibəsinin xronikasını təqdim edən www.44days.info saytı Heydər Əliyev Fondunun dəstəyi ilə yaradılıb. Sfera.az xəbər verir ki, 8 başlıqdan ibarə...

Son sutkada koronavirusa yoluxanların sayı AÇIQLANDI

Azərbaycanda son sutkada koronavirus (COVID-19) infeksiyasına yoluxanların sayı açıqlanıb. Bu barədə Nazirlər Kabineti yanında Operativ Qərargahdan Sfera....

Qarabağ Dirçəliş Fondu yeni kampaniyaya start verdi - FOTO

Qarabağ Dirçəliş Fondu işğaldan azad edilən ərazilərdə bərpa işlərinin uğurla və daha qısa zaman ərzində həyata keçirilməsi üçün #KarabakhChallenge kamp...

Prezidentin mədəniyyət xadimləri və şuşalılarla səmimi söhbəti - FOTOLAR

Prezident İlham Əliyev Şuşada Vaqif Poeziya Günlərinin açılışında iştirakı çərçivəsində tədbir iştirakçıları və şuşalılarla səmimi söhbət edib. Sfera.az d...