Alimlərdən maraqlı kəşf: Bu davranış münasibətləri yaxşılaşdırır

Kaliforniya Universitetinin apardığı yeni tədqiqat göstərib ki, partnyorların gündəlik həyatda başqaları haqqında söhbət etməyi, münasibətlərin keyfiyyətini və cütlüklərin xoşbəxtliyini artırır.

Tədqiqatda 76 cütlüyün daşına bilən qulaqcıqlarla gündəlik ünsiyyətləri qeydə alınıb. Nəticələr göstərib ki, iştirakçılar gündə ortalama 29 dəqiqə partnyorları ilə qeybət edirlər. Burada dedi-qodu fiziki olaraq orada olmayan şəxslər haqqında söhbət deməkdir və mütləq mənfi məzmun daşımaq lazım deyil.

Sfera.az xarici mediaya istinadən xəbər verir ki, araşdırmanın müəllifləri bildirirlər ki, daha çox dedi-qodu edən cütlüklərin münasibətləri daha sağlam və xoşbəxt olur. 

Tədqiqat qrupu qeyd edir ki, dedi-qodu partnyorlar arasında “eyni komanda” hissini möhkəmləndirir, bağlılıq və etimadı artırır, nəticədə ümumi həyat keyfiyyətinə müsbət təsir göstərir. Tədqiqatın baş müəllifi Çandler Spar “Dedi-qodu hər yerdə var və hər kəs edir”-, deyə bildirib.

Əvvəlki araşdırmalar da dedi-qodunun sosial münasibətlərdə mühüm rol oynadığını göstərir. Məsələn, yeddi yaşlı uşaqlarla aparılan tədqiqatlarda uşaqlar dedi-qodunun müsbət və mənfi tərəflərini tez dərk edib sosial qərarlar verirlər.

Alimlər qeyd edir ki, dedi-qodunun ölçüsünü aşmamaq vacibdir, çünki həddindən artıq qeybət sosial nüfuz itkisinə gətirib çıxara bilər. Eyni zamanda, "Nev Mexico" Universitetinin tədqiqatçıları qeybətdə pis niyyətdən çox narahatlıq hissinin əlavə olunmasının sosial əlaqələrdə daha müsbət qarşılandığını vurğulayırlar.
Bu kəşflər münasibətlərin daha sağlam və xoşbəxt olması üçün gündəlik sadə, amma təsirli yollar olduğunu bir daha göstərir.

Leyla
Sfera.az