Cəlilabadda yol qəzası- Ölən və xəsarət alanlar var

Cəlilabadda ağır yol-nəqliyyat hadisəsi baş verib. 

DİN-in Mətbuat Xidmətinin Lənkəran regional qrupundan Sfera.az-a bildirilib ki, hadisə bu gün saat 18:50 radələrində Cəlilabad rayonunun Cəlayir kəndi ərazisində baş verib.

Belə ki, 1964-cü il təvəllüdlü Vahid Əsgərov idarə etdiyi “Vaz 2106” markalı avtomobillə piyada T.Əmiyevanı vurduqdan sonra idarəetməni itirərək qarşıdan gələn K.Məmmədovun idarə etdiyi “Vaz 2107” avtomobili ilə toqquşub. 

Qəza nəticəsində V.Əsgərov ölüb, piyada və digər sürücü isə bədən xəsarətləri alaraq rayon xəstəxanasına çatdırılıb .

Faktla bağlı araşdırma aparılır.