“Bir qadının sənədini göndərmişdilər, adı Söyüş idi...” – Ad seçərkən daha nələrə diqqət etməliyik?

 

Bəs, bu tendensiyanı necə dəyişmək olar? Lüğətimizə yeni adlar nə üçün daxil olmur?

"Adların statistikasına baxanda görürük ki, onların çoxu insanlarımızın İslam dininə olan etiqadından irəli gəlir. Cəfər Cabbarlı hələ öz dövründə çalışırdı ki, türk əsilli adlar çox olsun. Türk tərkibli adların qoyulması üçün müəyyən mənada işlər görülməli, kampaniyalar aparılmalıdır. Bu istiqamətdə təbliğati işlər yetərincə olmadığından insanlar da standartlardan kənara çıxmaq istəmir. Bəzən də elə olur ki, ümumiyyətlə insanın İslam dini ilə əlaqəsi yoxdur, ateistdir, amma uşağına Zəhra, Fatimə adını qoyur. Bu da onun nənəsinin yaxud anasının adının belə olması ilə bağlı olan məsələdir".

 

 

 

Ekspert xüsusilə qız uşaqlarına mənasız adların qoyulduğunu deyib: "Bəzən qız uşağına Kəsirə adı qoyurlar. Uşaq nəyi kəsir axı? Yaxud da Qızqayıt, Qızbəsdi və s. Bu adları qoymaq nə uşağa, nə də ətrafdakılara yaxşı təsir edir. Bu yaxınlarda bir vəsiqə çıxdı qarşıma. Qadının adı vəsiqədə Söyüş olaraq qeyd olunmuşdu. 54 yaşlı qadın bu yaşadək adını dəyişdirmək istəməmişdi. İnsanlar bəzən bu kimi məsuliyyətsizliklər edirlər. Uşaqlarımıza elə ad qoyaq ki, onun mənası uşağı hansısa yaxşı fəaliyyətə, uğura səsləsin".

 

Əzizə Zeynal