Generalın namizədliyi qeydə alınmadı –“MSK “İP adresimi” tanımadı”

Azərbaycan Silahlı Qüvvələrinin sabiq korpus komandiri, general Qabil Məmmədovun deputatlığa namizədliyi qeydə alınmayıb.

Sfera.az xəbər verir ki, bu barədə Qabil Məmmədov məlumat verib. O, 73 saylı Lənkəran şəhər seçki dairəsindən namizədliyini irəli sürmüşdü.

"Bildiyiniz kimi, mən 73 saylı Lənkəran şəhər seçki dairəsindən öz namizədliyimi irəli sürmüşdüm. Bildirmək istəyirəm ki, göstərdiyim səylərə baxmayaraq, yanvarın 9-da, Mərkəzi Seçki Komissiyasında mövcud olan sistem mənim "İP adresimi” tanımadı. Bu səbəbdən sizlərin gözləntilərini doğrulda bilmədim. Allah vətənimiz Azərbaycanı qorusun!” – deyə general Q.Məmmədov vurğulayıb. (yeni sabah)