“Gedib, nəvələrini oynatsın...” – Partiya sədrindən səhiyyə nazirinə çağırış

“Gedib, nəvələrini oynatsın...” – Partiya sədrindən səhiyyə nazirinə çağırış


"Oqtay Şirəliyevin dincəlməsi məsləhətdir. Gedib nəvələrilə oynasın”

 

Sfera.az-a açıqlamasında bu sözləri kadr islahatlarının davamının olub-olmayacağı, daha hansı yaşlı məmurların istefaya göndərilə biləcəyilə bağlı sualı cavablandırarkən Müasir Müsavat Partiyasının sədri Hafiz Hacıyev deyib:

 

"Kadr islahatlarının aparılması Konstitusiya görə Prezidentin səlahiyyətlərinə aid olan məsələdir. Yəni, bu məsələyə heç kim qarışa bilməz. Hər halda son zamanlar kadr islahatları sahəsində də ciddi addımlar atılıb. Düşünürəm ki, dövlət başçısının bu istiqamətdə verdiyi mesajlar digər yerində olmayan məmurlara da şamil ediləcək. Hər halda bu qənaətdəyəm ki, yaşı 70-dən yuxarı olan məmurların yaxın vaxtlarda istefaya göndərilməsi prosesi tamamilə yekunlaşmalıdır. Məlumatıma görə, Səhiyyə naziri Oqtay Şirəliyev istefaya getməklə bağlı ərizəsini verib. Onun dincəlməsi məsləhətdir. İmkanı, var-dövləti var. Gedib bir qədər də nəvələrilə oynasın”.

 

Partiya sədri parlamentin buraxılmasını da zəruri hesab etdi: "Milli Məclisin vaxtından əvvəl buraxılması zəruridir və gözlənilir. Ölkə Prezidentinin iradəsinin qarşısında heç kim duruş gətirə bilməyəcək və islahatlar sona qədər davam edəcək. Sadəcə, bir qədər gözləməliyik". 

 

H. Hacıyevin fikrincə, baş nazirin yaşlı müavinləri də getməlidir: "Yaşı keçmiş və getməli olan məmurlar sırasında baş nazirin müavinləri də var. İcra başçıları arasında da yaşlı və rüşvətə qurşanan insanlar var. Prezidentə hörmət edirlərsə, ərizələrini yazıb getsinlər. Bu hələ başlanğıcdır. Böyük kadr islahatları aparılmalıdır. Kimlər ki, vəzifədən ayrıla bilmir, evlərindəki otaqlarının birində iş stolu düzəldib, orada otursunlar, lazım olsa çay gətirmək üçün katibə də təyin etsinlər”.

 

Elçin

Sfera.az

OXŞAR XƏBƏRLƏR

“MƏNZİLLƏR BAHALAŞACAQ…” – Ekspert bunu şərtləndirən səbəblərdən danışdı

  "Yeni vergi sisteminə keçidlə əlaqədar tikinti şirkətləri mənzillərin qiymətində müəyyən artımlara getməyə məcbur olacaqlar”. Sfera.az-a açıqla...

Bu icra başçılarının “yuxusu ərşə çəkilib” – PA-ya daha çox hansı rayonlardan şikayətlər daxil olub?

Xəbər verdiyimiz kimi, Ağstafa Rayon İcra Hakimiyyətinin başçısı Nizaməddin Quliyev, onun birinci müavini Tatarov Ramiz dekabrın 18-də axşam saatlarında ...

“Sərhəddə nəzarəti gücləndirməliyik” – Tanınmış həkim koksaki virusunun hansı ölkədən gəldiyini açıqladı

"Koksaki virusunun yaratdığı dərin təsirlərin fərqində olmadığımız halda, ola bilər ki, həmin viruslar bir müddət sonra hansısa yeni xəstəliyin əsasını q...

Cavid Qurbanovdan xəbərdarlıq: "Evlərinizi elə yerdə tikin ki, sonradan sökülməsin..."

  "Bakıda "Şanxay” adlanan ərazidə dəmir yolu xətlərinə sıx tikilən evlərlə bağlı məsələnin həll edilməsi istiqamətində işlər aparılır”. Sfera.az-ın...

Yaşayış minimumu 190 manat, sosial yardım 160 manat olacaq

  Prezidenti İlham Əliyev 2020-ci il üçün yaşayış minimumu və ehtiyac meyarının həddi haqqında qanunları təsdiq edib. Sfera.az xəbər verir ki, 2020-...

BNA üçün hansı önəmlidir: Prezidentin göstərişləri yoxsa, maddi qazanc? - VİDEO

Ölkə başçısı İlham Əliyev paytaxt Bakının bir nömrəli probleminə çevrilmiş tıxacların aradan qaldırılması məqsədilə yolların genişləndirilməsinə dair göstəri...