No Image
No Image

Ermənistanın atom silahı xülyası - Türkiyə və Azərbaycan hansı addımı atacaq?

Ermənistanın atom silahı xülyası - Türkiyə və Azərbaycan hansı addımı atacaq?
"Müharibədə ağır məğlubiyyət erməni siyasətçilərin olan-qalan ağıllarını da itirib. Deməli "Çiçəklənən Ermənistan” partiyasının deputatı, parlamentin regional məsələlər və inteqrasiya məsələləri üzrə komitəsinin rəhbəri Mikael Melkumyan infrastruktur nazirinin müavini Akop Vardanyandan soruşub ki, Metsamor atom elektrik stansiyasının radioaktiv tullantılarından ölkənin müdafiə qabiliyyətini yüksəltmək üçün istifadə etmək olarmı? Başqa sözlə erməni deputat soruşmaq istəyib ki, Ermənistan atom silahı yarada bilərmi?".

Sfera.az xəbər verir ki, bu barədə "Atlas” Araşdırmalar Mərkəzinin rəhbəri Elxan Şahinoğlu bildirib.

Onun sözlərinə görə, nazir müavininin deputata nə cavab verdiyi barədə məlumat yoxdur. Buna baxmayaraq, atom silahı mövzusu erməni siyasi dairələrin və medianın diqqətini çəkib:

"Müharibədən sonra açıq etiraf ediblər ki, Ermənistan Azərbaycan və Türkiyə qarşısında gücsüzdür və təkbaşına bu iki dövlətlə bacara bilməyəcək. Digər tərəfdən onu da etiraf ediblər ki, müttəfiqləri Rusiya və Fransa Ermənistanı məğlubiyyətdən xilas etmədi. Ona görə də Ermənistan xilası haqqında təkbaşına düşünməli və bu məqsədlə atom silahı əldə etmək üçün çalışmalara başlamalıdır. Yazırlar ki, guya atom silahı əldə etmək üçün Ermənistanın kifayət qədər mütəxəssisi var, gərəkli maliyyəni isə dost dövlətlərdən əldə etmək mümkündür. Onu da hesab edirlər ki, Fransa və Rusiya onları məğlubiyyətdən xilas etməsə də Bakı və Ankaranı durdurmaq üçün Ermənistana atom silahı əldə etmək üçün dəstəklərini əsirgəməyəcəklər. Bunun ardınca təhdid fikirlərini də yayıblar: "Əgər Azərbaycan torpaqlarımızı geri qaytarmasa, atom silahından istifadə etməliyik”.

Sərsəmləyirlər. Ancaq bu sərsəmləmə parlamentdə dilə gətirilib və geniş müzakirələrə səbəb olub".

Ekspert qeyd edib ki, Ermənistanın atom silahı əldə etməsi xülya kimi qiymətlənsdirilsə də, qonşu dövlətdəki bu müzakirələrə diqqət etməliyik:

"Azərbaycanda atom silahı heç zaman müzakirə mövzusu olmayıb. Ancaq əgər düşmənin bu haqda düşünür və müzakirələr açırsa  sən də bunun qarşısını almağın yolları barədə düşünməlisən. Atom silahına qarşı əsas silah isə elə qarşındakının da eyni silaha yiyələnməsidir. ABŞ – SSRİ, Hindistan – Pakistan və İsrail – İran qarşıdurmaları da bundan xəbər verir. Türkiyə də atom silahı haqqında ciddi düşünür".

Aysel
Sfera.az
Turan Bank
Turan Bank

OXŞAR XƏBƏRLƏR

“Çox mühüm, gələcək vəd edən layihəyə başlayırıq" - Türkmənistan Prezidenti Xəzərdəki “Dostluq” yatağından danışdı

"Azərbaycan ilə Türkmənistan hökumətləri arasında Xəzərdəki "Dostluq” yatağının karbohidrogen ehtiyatlarının birgə kəşfiyyatı, işlədilməsi və istismarına dair A...

İtaliya Bakını dəvət etdi, İrəvanı yox - Minasyan ermənilərə pis xəbər verdi

Azərbaycan G-20 sammitinə dəvət olunub, Ermənistan isə yox. Sfera.az xəbər verir ki, bu barədə Ermənistanın Vatikandakı keçmiş səfiri Mikael Minasyan tele...

Ermənistanda müharibədən sonrakı böhran dərinləşir - VİDEO

İkinci Qarabağ müharibəsində ağır məğlubiyyətlə üz-üzə qalan Ermənistanda siyasi və sosial-iqtisadi vəziyyət hər ötən gün gərginləşir. Paşinyan hakimiyyəti məru...

Ağlasığmaz iddia: Ağdərədən Ermənistana yol istəyirlər - VİDEO

Ermənilər Rusiya Müdafiə nazirliyinin Qarabağdakı sülhməramlı kontinqentinin rəhbəri Rüstəm Muradova absurd müraciət ünvanlayıblar. Belə ki, Kəlbəcər rayo...

Ermənilər Kəlbəcərdə Azərbaycan maşınlarının yolunu bağladı: Nə baş verir? - VİDEO

Azərbaycan Respublikasının işğaldan azad(!) olunmuş Kəlbəcər rayonunun işğal zamanı "Drmbon" adlandırılmış  Heyvalı kəndindəki ermənilər yolu bağlayaraq Az...

Azərbaycan PUA-ları müasir müharibələrin strategiyasını dəyişdi

Qarabağ müharibəsi zamanı Azərbaycanın pilotsuz uçuş aparatları (PUA) müasir müharibələrin strategiyasını dəyişdi. Sfera.az xəbər verir ki, bunu israilli ...