Ermənilər Azərbaycana dəstəyinə görə Ukrayna səfirliyinin binasına borş tökdülər

Ermənilər Azərbaycana dəstəyinə görə Ukrayna səfirliyinin binasına borş tökdülər

Etirazçılar Ukraynanın Ermənistanın paytaxtındakı səfirliyinin binasına borş töküblər.


Sfera.az xarici mətbuata istinadla xəbər verir ki, bununla onlar Ukrayna XİN-nin Ermənistan-Azərbaycan münaqişəsi ilə bağlı verdiyi bəyanata etirazlarını bildiriblər.

 

 

Aksiyanı Daşnaksütyun partiyasının gənclər qanadı təşkil edib. Etirazçılar səfirliyə üzərində Ukrayna və ingilis dillərində: "Ukraynaya ar olsun!", "Ukrayna + Azərbaycan", "Ukrayna kimi olma!" şüarları əks olunan plakatlarla gələrək, "Ukrayna, təhrik etmə!", "Təcavüzkarı dəstəkləməyin!" çağırışları ediblər.

 

"Azərbaycan bir neçə gündür ki, Ermənistana müharibə elan edir, sərhəddə toqquşmalar baş verir. Bununla bağlı müxtəlif dövlətlər və təşkilatlar bəyanatlar veriblər. Ukraynanın bəyanatı isə birtərəflidir və Azərbaycanın dəyirmanına su tökür. Bu cür hərəkətlərlə Ukrayna Ermənistan-Ukrayna münasibətlərinə zərbə vurur", - yazan KİV aksiya iştirakçılarından sitat gətirir.

 

Bundan sonra səfirliyin binasına borş tökülüb, divarları qarşısına plakatlar atılıb.

 

Qeyd edək ki, Ukrayna XİN iyulun 13-ü tarixli bəyanatı ilə Ermənistan-Azərbaycan sərhədində vəziyyətin gərginləşməsindən dərin narahatlığını ifadə edib.

Ukrayna XİN-i tərəfləri münaqişənin beynəlxalq hüquq prinsipləri və normaları əsasında tənzimlənmə yollarını axtarmağa çağırıb.

 

Bəyanatda qeyd olunur ki, rəsmi Kiyev münaqişənin Azərbaycanın beynəlxalq səviyyədə tanınmış sərhədləri daxilində, suverenliyinə və ərazi bütövlüyünə hörmət əsasında siyasi yolla həll olunmasının tərəfdarıdır.


İyulun 14-də sözügedən bəyanatla əlaqədar olaraq, Ukrayna səfiri Ermənistan Xarici İşlər Nazirliyinə çağrılıb.

 

 

 

Xatırladaq ki, iyulun 12-də Azərbaycan və Ermənistan iki ölkənin sərhədində silahlı toqquşma barədə məlumat vermişdilər. Ermənistan bildirmişdi ki, Azərbaycan hərbçiləri UAZ markalı avtomobillə dövlət sərhədini pozmağa, daha sonra isə ermənilərindayaq məntəqəsini ələ keçirməyə cəhd ediblər.

Azərbaycan isə Ermənistan ordusunu təxribat törətməkdə ittiham edərək, bu ölkənin silahlı qüvvələrinin Azərbaycan- Ermənistan dövlət sərhədinin Tovuz istiqamətindəki mövqeləri ələ keçirmək məqsədilə artilleriyadan istifadə edərək hücuma keçməyə cəhd etdiyini bildirmişdi.

 

Selcan

Sfera.az

OXŞAR XƏBƏRLƏR

Tramp Almaniyanı Putinin “qucağına atdı” – Onları niyə qorumalıyıq?

Sfera.az Rusiyanın RİA.Novosti xəbər portalına istinadla xəbər verir ki, ABŞ prezidenti Donald Tramp Berlinin Moskvadan enerji daşıyıcıları aldığı bir vaxtda ...

Putin Sovet Konstitusiyasındakı "zaman bombası" haqda danışdı

Rusiya Prezidenti Vladimir Putin bildirib ki,Sovet Konstitusiyasında respublikaların SSRİ-ni tərk etmək hüququ haqqında "zaman bombası" vardı. Sfera.az-...

Angela Merkel karonavirus şübhəsilə karantinə alındı

Almaniya kansleri Angela Merkel karantinə alınıb. Sfera.az bildirir ki, bu haqda apa.az "Sky News”a istinadən xəbər verib. Bu barədə kanslerin mətbua...

İranda daha bir siyasətçi koronavirusdan öldü

İran Məsləhət Şurasının üzvü Seyid Məhəmməd Mirməhəmmədi koronavirusdan ölüb. "Report" IRNA-ya istinadən xəbər verir ki, 72 yaşlı siyasətçi ötən gün Tehranda m...

Böyük itkilər verən Əsəd dünyaya yalvardı: Türkiyəni DAYANDIRIN

 İdlibdə türk əsgərlərinin şəhid edilməsindən sonra Türkiyə Əsəd rejiminə ağır zərbələr endirməyə davam edir. Sfera.az publika.az-a istinadla &nbs...

Daha bir məmur saxlanıldı - Azərbaycanlıdan rüşvət alıb

Gürcüstanın Ətraf Mühitin Mühafizəsi və Kənd Təsərrüfatı Nazirliyinin Kvemo Kartli bölgəsi üzrə regional bölməsinin baş mütəxəssisi saxlanılıb. Sfera.az xəbər ...