19:T785,

“Apple”ın ilk qatlanan telefonu “iPhone Fold” üçün geri sayım başlayıb.

Sfera.az xəbər verir ki, sızdırılan məlumata görə, cihaz yalnız telefon funksiyası ilə kifayətlənməyəcək, həm də cibdə “iPad” təcrübəsi təqdim edəcək. “iPhone Fold”un “iPhone 18” seriyası ilə birlikdə 2026-cı ilin payızında təqdim olunacağı gözlənilir. Android rəqiblərindən fərqli olaraq, “Apple” daha kompakt kvadrat forma faktorunu seçib. Cihazın xarici ekranı 5.5 düym, daxili ekranı isə 7.8 düym olacaq. Bu, onu “iPad” mini ölçüsündə bir cihaz kimi təqdim edir.

“Apple”ın əsas məqsədi isə ekran qırışını aradan qaldırmaqdır və prototiplər hamar səthin mümkün olduğunu göstərir. “iPhone Fold”-un fərqi yalnız aparatla bitmir. Cihaz “iOS 20” və ya xüsusi hazırlanmış bir versiya ilə açıldıqda “iPad”-dəki çoxtapşırıqlılıq funksiyaları aktiv olacaq. İstifadəçilər eyni anda iki tətbiqi yan-yana işlədə, e-poçtlarını yoxlaya və videolar izləyə biləcəklər. Planşet interfeysi açıldıqda isə yan menyular və genişləndirilmiş görünüş təmin olunacaq.

Qatlanan panelin nazik olması səbəbindən “Face ID” sensorları cihazda olmayacaq. Bunun əvəzinə, “Touch ID” güc düyməsinə inteqrasiya ediləcək. “Apple”ın premium strategiyası qiymətdə də əks olunacaq. “iPhone Fold”-un başlanğıc qiymətinin 2000-2400 dollar arasında olacağı gözlənilir ki, bu da onu bazarın ən bahalı cihazlarından birinə çevirəcək.

Mənsumə

Sfera.az

“Apple”ın ən bahalı telefonu satışa hazırdır