Xoşqədəm Hidayətqızı aparıcısı olduğu proqramda vəfat edən qardaşından danışarkən hönkür-hönkür ağlayıb. 

Sfera.az xəbər verir ki, aparıcı illər öncə etdiyi hərəkətə görə özünü hələ də bağışlamadığını deyib:

"İraqa səfərim vardı, dövlət adamlarından müsahibə götürəcəkdim. Rəhmətlik qardaşım İlyas zəng vurdu. Dedi ki, çox vacib sözüm var, yanıma gəl. Dedim, təyyarəyə gecikə bilərəm, qayıdanda ilk sizə gələcəm. Cavab verdi ki, sənə elə bir sözüm var ki, səndən başqa heç kəsə deyə bilmərəm. Geri dönəndə məni görməyə bilərsən. Mən səfərdən qayıdanda artıq qardaşımın dili tutulmuşdu. Belindən ilik çəkilmişdi, əli əsirdideyə yaza da bilmirdi. İşimə görə onu dinləmədim, getdim. Ölümünə qədər  bir-birimizin gözünə baxa-baxa qaldıq. Bu günə qədər bu hərəkətimi özümə bağışlaya bilmirəm”. (yeni sabah)