Rusiyadan Estoniyaya etiraz:"Hava məkanını pozmamışıq"

Rusiya Müdafiə Nazirliyi bildirib ki, üç ədəd MiQ-31 qırıcısı Kareliyadan Kalininqrad vilayətinə planlı uçuş həyata keçirib. 

 

Sfera.az xəbər verir ki, nazirlik bu zaman Estoniya hava məkanı pozulmadığını bəyan edib. 

 

“19 sentyabr tarixində üç Rusiya MiQ-31 qırıcısı Kareliyadan Kalininqrad vilayətindəki aerodroma planlı uçuş edib. Uçuş beynəlxalq hava məkanının qaydalarına tam uyğun şəkildə, digər dövlətlərin sərhədləri pozulmadan həyata keçirilib ki, bu da obyektiv monitorinq vasitəsilə təsdiq olunur. Uçuş zamanı Rusiya təyyarələri razılaşdırılmış marşrutdan kənara çıxmayıb və Estoniya hava məkanını pozmayıb. Təyyarələrin uçuş marşrutu Baltik dənizinin neytral suları üzərindən, Vaindloo adasından üç kilometrdən artıq məsafədə keçib”– deyə qurumun açıqlamasında bildirilib.

 

Qeyd edək ki, ötən gün Estoniya Xarici İşlər Nazirliyi Rusiyanın müvəqqəti işlər vəkilini çağıraraq hava məkanının pozulması ilə bağlı etirazını diplomatik nota şəklində təqdim edib.

 

Niyaz Hacıyev 
Sfera.az