Əhalinin real gəlirləri azalacaq

Əhalinin real gəlirləri azalacaq
Pandemiyanın yaratdığı mənfi təsirlərdən biri də iqtisadiyyatların tənəzzülə uğraması və bunun nəticəsində əhalinin gəlirlərinin azalması olacaq. Ölkəmizdə böhranın ilk ili 2020-ci ilə təsadüf etdi və həmin ildə Azərbaycan iqtisadiyyatı 4,3 faiz kiçildi. Kiçilmənin təsiri ilə əhalinin nominal gəlirləri 1,8 faiz, əhalinin bir nəfərinə düşən nominal gəlirlər 2,5 faiz, real gəlirlər isə 4,6 faiz azaldı. 

Sfera.az bildirir ki, böhranın əlamətləri 2021-ci ildə aradan qalxır. İlin ilk yarısına aid olan məlumatlara əsasən, iqtisadi artım 2,5 faiz, əhalinin nominal gəlirlərindəki artım 0,4 faiz olub. Bu dövrdə adambaşına düşən gəlirlərdə 1,8 faiz azalma qeydə alınıb. Böyük ehtimalla qarşıdakı aylarda əhalinin nominal gəlirlərində artım sürəti güclənəcək və adambaşına düşən nominal gəlirlərdə də artım baş verəcək. 

Amma bu il böyük əhalinin real gəlirlərində artım ehtimalı olduqca zəifdir. Bunun bir səbəbi nominal gəlirlərdəki artım sürətinin aşağı olmasıdırsa, digər səbəbi illik qiymət artımlarının güclənməsidir. 

2021-ci ilin birinci yarısında inflyasiya 4,3 faiz olub. Dinamika göstərir ki, qiymət artımlarının sürəti aydan-aya güclənir. İlin əvvəlində bahalaşma sürəti 3,3 faiz, birinci rübdə 3,9 faiz olduğu halda yanvar-apreldə 4 faizə, yanvar-mayda 4,2 faizə yüksəlib. 

Proqnozlara görə qiymət artımının 4,5 faiz səviyyəsinə qədər yüksəlmə ehtimalı var. Bu proqnoz daxilində əhalinin real gəlirlərinin artması üçün ümumi nominal gəlirlərdə artım 4,5 faiz, adambaşına düşən nominal gəlirlərdə artm isə daha böyük olmalıdır. 

İlin ikinci yarısında nominal gəlirlərin bu qədər yüksək artması ehtimalı azdır. Buna görə də 2021-ci ildə də əhalinin real gəlirləri azalacaq. 

Xatırladaq ki, 2020-ci ilə qədər real gəlirlərdə azalma 2016 və 2017-ci illərdə qeydə alınmışdı. 2018 və 2019-cu illərdə isə real gəlirlər artmışdı. 2019-cu ildə real gəlirlərdə artım 4,9 faiz idi. 

Vasif
Sfera.az

 
 


OXŞAR XƏBƏRLƏR

Dəfninə 3 sevgilisi gələn, dəfələrlə həbs olunan Nazim Hikmətin HƏYATI - VİDEO

"Aydın tarix" verilişinin yeni buraxılışı ictimai xadim, istedadlı şair və dramaturq Nazim Hikmətə həsr olunub.   Proqramda Nazim Hikmətin ...

Tramp: Maskın ağlını itirməsini görmək məni kədərləndirir

ABŞ prezidenti Donald Tramp iş adamı İlon Maskın "ağlını itirməsini" müşahidə etməkdən kədərləndiyini bildirib.   Sfera.az-ın məlumatı...

Bu gün bu ərazilərdə işıq olmayacaq

Biləsuvar və Cəlilabadda təmir işləri ilə əlaqədar elektrik enerjisinin verilişində fasilə yaranacaq.   Sfera.az xəbər verir ki, Cənub Regional Enerj...

Bu gün hava necə olacaq? - PROQNOZ

İyulun 7-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Lakin 6-dan 7-nə keçən gecə və səhər bəzi yerlərdə qısamüddətl...

Çimnaz Sultanovanın xəstəxanada çəkilən görüntüləri yayıldı - VİDEO

Mərhum aktrisa Çimnaz Sultanovanın xəstəxanada çəkilən görüntüləri yayılıb.   Sfera.az xəbər verir ki, aktrisa Milli Onkologiya Mərkəzində müalicə al...

Beyləqanda hündürlükdən yıxılan usta VƏFAT ETDİ

Beyləqanda bir müddət əvvəl restoranda təmir işləri aparan zaman hündürlükdən yıxılan ustalardan biri ölüb, digərinin vəziyyəti ağırdır.   Sfera.az&n...