AK Partiyasının sözcüsü Ömer Çelik 18 yanvar tarixində Ərdoğanın məşhur bəstəkar və pianoçu Fazil Sayın konsertində iştirak etmək istədiyini açıqlayıb.

Sfera.az Türkiyə mediasına istinadən qeyd edir ki, ötən ay müxalifliyi ilə tanınan Fazil Say Türkiyə prezidenti Ərdoğanı 18 yanvarda keçiriləcək konsertinə dəvət edib.

Belə ki, Ömer Çelik açıqlamasında "Hörmətli prezidentimiz bu dəvətdə iştirak etmək istəyir. Hazırda daha dəqiq danışa bilməməyimin səbəbi Xüsusi Qələm Müdirliyində bəzi görüşlərin olmasıdır. Bu aralar xarici səfərlərimiz, həmçinin, ölkə daxilində seçkilərlə bağlı iş proqramımız çoxdur. Prezidentimiz bu mədəni fəaliyyətlərdə tez-tez iştirak etmək istəyir, amma işləri çox olduğu üçün imkan tapmır. Bu konsertdə iştirak etməklə bağlı düşünür. Həmin tarixdə çox əhəmiyyətli gündəm olmasa konsertdə iştirak edəcək”.

Sfera.az