18 yaşlı qız islamdan imtina etdi:Səudiyyə Ərəbistanına daha bir zərbə
07:30 / 09.01.2019
1606
Səudiyyə Ərəbistanı vətəndaşı, xanım Rahaf Məhəmməd al-Qununun 18 yaşı var. Ailəsi ilə birlikdə Kuveytdə tətildə olarkən gizli şəkildə Taylanda uçub. Oradan isə Avstraliyada getmək fikrində imiş. Düşünürmüş ki, orada siyasi sığınacaq alsın. Universitet tələbəsi olan bu qız bir müddət Taylandın paytaxtı Banqkokdakı tranzit zonada qalır. Bu zaman Səudiyyədən olan diplomatlar oraya gəlir, onun pasportunu və digər sənədlərini zorla ondan alırlar, təklif edirlər ki, Rahaf Məhəmməd növbəti uçaqla yenidən Kuveytə dönsün.
Belə olduqda, gənc xanım qaldığı otel nömrəsində özünə barrikada qurur. Və tələb edir ki, BMT nümayəndəsi gəlmədən otağı tərk etməyəcək. Son dərəcə aktiv olan xanım eyni zamanda sosial şəbəkələr üzərindən ərəb və ingilis dillərində emosional təsir gücü yüksək olan müraciətlər yayır.
Orada yazır ki, onu zorla Səudiyyə Ərəbistanına qaytarmaq istəyirlər: "Məni geri aparsalar, öz ailəm məni öldürəcək. Mənim həyatım təhlükə altındadır. Çünki mən hamının gözü qarşısında islamdan üz çevirdim. Buna görə məni bağışlamayacaqlar”.
Uzun sürən danışıqlardan sonra o, BMT-nin Mühacirlər üzrə Ali Komissarlığının himayəsi altına alınıb. Rahaf Məhəmməd al-Qununa Kanada və Avstraliya sığınacaq verməyə hazır olduğunu bəyan edib. Hazlrda bu gənc qızın başına gələnlər dünya mediasının manşetlərindədir.
Camal Qaşıqçı olayından sonra belə bir hadisənin baş verməsi Səudiyyə Ərəbistanının beynəlxalq nüfuzuna növbəti zərbədir.Musavat.com
