"Fələstinlə HƏMAS razılaşma əldə etməyəcək"
"Fələstinin HƏMAS qruplaşması ilə razılığa gəlmək perspektivləri hazırda demək olar ki, mövcud deyil".
Sfera.az xarici KİV-ə istinadən xəbər verir ki, bu barədə İsrailin Moskvadakı səfiri Simona Qalperin bildirib.
Onun sözlərinə görə, cəmi bir həftə əvvəl Qətərdən qayıdan nümayəndə heyəti anlaşma şansının çox az olduğunu vurğulayıb.
“İndi mən hesab edirəm ki, yaxın gələcəkdə həll yolu qəbul edilməlidir. Müəyyən tarix göstərmək mümkün olmasa da, düşünürəm ki, bu, bu il ərzində baş verəcək”,- Qalperin əlavə edib.
Xatırladaq ki, iyulun 27-də HƏMAS-ın Qəzzadakı lideri Xəlil əl-Haya, anklavın davam edən blokadası səbəbindən İsraillə danışıqların nəticəsiz qaldığını açıqlayıb. Bundan əvvəl İsrailin baş naziri Benyamin Netanyahu, HƏMAS-ın atəşkəs təklifini rədd etməsindən sonra iyulun 6-dan Dohada danışıqlar aparan nümayəndə heyətini geri çağırmışdı.
Fidan Hacızadə
Sfera.az
