1a:T7f5,

Ukrayna və Rusiya nümayəndə heyətləri növbəti sülh danışıqları üçün yenidən Türkiyədə bir araya gəlməyə hazırlaşır. Ukrayna Prezidenti Volodimir Zelenski açıqlamasında görüşlərin 24 iyulda İstanbulda keçiriləcəyini bildirib.

Sfera.az xarici mediaya istinadən xəbər verir ki, Zelenski danışıqlarda Ukrayna heyətinə əvvəlki iki İstanbul görüşündə olduğu kimi, Təhlükəsizlik Şurasının katibi Rüstem Umerovun rəhbərlik edəcəyini deyib.

Onun sözlərinə görə, heyətdə həmçinin Ukrayna kəşfiyyatı, Xarici İşlər Nazirliyi və Prezident Aparatından nümayəndələr yer alacaq.

Rusiya tərəfi isə danışıqlarda iştirak edəcək nümayəndə heyətinin tərkibində dəyişiklik olmadığını açıqlayıb. Əvvəlki turlarda olduğu kimi, Rusiya heyətinə Vladimir Medinski rəhbərlik edəcək.

Görüş zamanı əsir mübadiləsi, oğurlanan ukraynalı uşaqların geri qaytarılması, itkilərin qarşısının alınması və dövlət başçıları səviyyəsində mümkün görüş üçün hazırlıqların müzakirə ediləcəyi gözlənilir.

Kremlin sözçüsü Dmitri Peskov isə mövzu ilə bağlı verdiyi açıqlamada, hazırkı mərhələdə “möcüzəvi nəticələr” gözləməyə əsas olmadığını bildirib. Peskov, sülh sazişinə dair konkret təqvim təqdim etməyin mümkün olmadığını və gündəliyin olduqca mürəkkəb olduğunu vurğulayıb.

Xatırladaq ki, Rusiya və Ukrayna nümayəndələri bundan əvvəl 16 may və 2 iyun tarixlərində də İstanbulda görüşlər keçiriblər. İndiyə qədər aparılan danışıqlarda yalnız əsir mübadiləsi məsələsində nəticə əldə olunub, atəşkəs istiqamətində isə ciddi irəliləyiş baş verməyib.

Bəsti Rəfizadə
Sfera.az

4:[

İstanbul görüşünün heyətləri açıqlandı