"Elitalar Rusiyadan qisas almağa çalışırlar" - Medvedev
Rusiya Təhlükəsizlik Şurasının sədr müavini Dmitri Medvedev Qərbi Rusiyaya qarşı aqressiv münasibətdə ittiham edib.
Sfera.az bu barədə Rusiya mediasına istinadən xəbər verir.
Onun sözlərinə görə, Qərb elitaları keçmiş uğursuzluqlarına görə Rusiyadan qisas almağa çalışırlar.
Bundan əvvəl Medvedev ABŞ Prezidenti Donald Trampın Rusiyaya ünvanladığı dekorativ ultimatuma Moskvanın əhəmiyyət vermədiyini vurğulamışdı. Tramp bəyan etmişdi ki, əgər yaxın 50 gün ərzində Ukrayna ilə bağlı irəliləyiş olmasa, Rusiya ilə ticarət edən ölkələrin məhsullarına 100%-ə qədər tariflər tətbiq olunacaq.
Bu bəyanat Avropa ölkələrində narazılıqla qarşılanıb.
Avropa paytaxtları Trampın açıqlamalarını qeyri-kafi sayaraq Vaşinqtonun mövcud sanksiyalar potensialından tam istifadə etmədiyini bildirib. Qərb mediası Vaşinqtondakı ümumi atmosferin və Avropanın reaksiyasının məyusluq içində olduğunu qeyd edir.
Fidan Hacızadə
Sfera.az
