Mask məxfi məlumatlara çıxış əldə etdi - İDDİA

Amerikalı sahibkar və ABŞ Hökumətin Effektivliyi Departamentinin (DOGE) keçmiş rəhbəri İlon Maskın özəl şirkətlərə aid məxfi məlumatlara çıxış əldə etdiyi iddia olunub.

Sfera.az “The Washington Post” (WP) nəşrinə istinadən xəbər verir ki, məlumata görə, Mask bu məlumatlardan rəqiblərlə mübarizədə istifadə edə bilər. Aparılan audit nəticəsində müəyyən edilib ki, ən azı yeddi iri departament və agentlik DOGE-yə rəqib şirkətlərin kommersiya sirlərini, dövlət müqavilələrinə dair məlumatları və məxfi tənzimləmə sənədlərini əhatə edən qeydlərə baxış hüququ verib.

“Hökumətə təqdim etdiyimiz məlumatların çoxu rəqabət baxımından həssasdır. Bunu edəndə onun qorunduğunu güman edirik. İndi görünür ki, biz risk altındayıq”, - Maskın rəqiblərindən biri WP-yə bildirib.

Fidan Hacızadə

Sfera.az