Tramp şərt qoydu: "Rusiyadan mal alsanız..."

ABŞ Senatı iyulun 7-də Rusiyaya qarşı sanksiyaları nəzərdə tutan qanun layihəsini nəzərdən keçirməyə hazır olacaq.

Sfera.az xəbər verir ki, bunu konqresmen Lindsi Qrem "ABC" telekanalının efirində bildirib.

"Biz qanun layihəsini irəli sürəcəyik və Senatın iyul tətilindən sonrakı ilk gündə bunu etməyə icazəmiz var",- o deyib. Onun sözlərinə görə, ABŞ Prezidenti Donald Tramp şənbə günü qolf oynayarkən şəxsən ona deyib ki, “qanun layihəsini irəli sürməyin vaxtıdır”.

"Rusiyadan mal alsanız və Ukraynaya kömək etməsəniz, ABŞ-yə göndərdiyiniz daşımalara 500% rüsum tətbiq olunacaq. Hindistan və Çin Rusiya neftinin 70%-ni alır. Prezident Çin, Hindistan və digər ölkələrə tariflər tətbiq edə biləcək", - Qrem qanun layihəsində yer alan sanksiyaları şərh edərkən deyib.

Tramp daha əvvəl demişdi ki, o, Putinin gördüyü işlərdən razı deyil və Rusiyaya qarşı daha sərt sanksiyaları nəzərdən keçirir. İyunun ortalarında ABŞ prezidenti bəyan etmişdi ki, Vaşinqton Rusiya-Ukrayna münaqişəsinin sülh yolu ilə nizamlanması üzrə razılığa gəlmək ümidi ilə Moskvaya qarşı yeni sanksiyalar tətbiq etmir

Firuzə Əliyeva

Sfera.az