İlon Mask kompüterdən istifadə etmir.

Sfera.az xarici KİV-ə istinadən xəbər verir ki, bunu milyarderin vəkilləri deyib.

Bu bəyanat onun “xAİ” şirkəti və həmtəsisçisi olduğu “OpenAİ” arasında bazar günü açılan sənədlərdə verilib. İddia ərizəsində Mask “OpenAİ” və şirklətin baş icraçı direktoru Sam Altmanı ilkin razılaşmaları pozmaqda və bəşəriyyətin xeyrinə missiyasına zidd olaraq “Microsoft” üçün kommersiya məqsədləri üçün süni intellektdən istifadə etməkdə ittiham edir.

Maskın vəkilləri iyunun 14-də “OpenAİ”a onun cib telefonunu və e-poçtunu yoxladıqlarını deyiblər. Bildiriblər ki, o, kompüterdən istifadə etmir. Amma vəkillərin dedikləri reallıqla ziddiyyət təşkil edib.

“X” (keçmiş Twitter) əməkdaşları bildiriblər ki, Mask əsasən telefonunda işləsə də, noutbukdan da istifadə edir. Öz paylaşımları bunu təsdiqləyir. Belə ki, 2024-cü ilin dekabrında Mask noutbukunun şəklini yerləşdirərək, "Bu mənim laptopumdur" başlığı ilə paylaşım edib.

Başqa bir paylaşımında isə o, oyun quraşdırması barədə suala "Hələ də fanatımın DOGE stikeri ilə qədim PC noutbukumdan istifadə edirəç” açıqlaması ilə eyni noutbukdan bəhs edib. Mask həmçinin 2021-ci ildə həm PC, həm də Mac istifadə etdiyini yazmışdı. Onun Vaşinqtondakı İzenhauer binasındakı ofisindən fotolarda oyun qurğusu da var. Qeyd edək ki, Mask və “OpenAİ” arasında hüquqi mübarizə 2024-cü ilin əvvəlindən davam edir. 2018-ci ildə “OpenAİ” idarə heyətini tərk edən Mask təşkilatın ilkin missiyasından uzaqlaşaraq mənfəət əldə etdiyini iddia edir. Hakim əvvəllər Maskın “OpenAİ”nin mənfəət əldə etməsini dayandırmaq tələbini rədd etsə də, o, 2025-ci ilə planlaşdırılan tam məhkəmə prosesinin keçirilməsinə razılıq verib. “OpenAİ” öz növbəsində, Maskı haqsız rəqabətdə və şirkətin investorlar və tərəfdaşlarla işgüzar münasibətlərinə müdaxilədə ittiham edərək, əks iddia qaldırıb.

Firuzə Əliyeva

Sfera.az

İlon Mask kompüterdən istifadə etmirmiş...